相戀30年恩愛如初!42歲少爺占戀幼稚園同學,中學重遇認定一生,拍拖17年結婚13年,「拖著妳愛到冬天不怕冷」

相戀30年恩愛如初!42歲少爺占戀幼稚園同學,中學重遇認定一生,拍拖17年結婚13年,「拖著妳愛到冬天不怕冷」

Hot Topics
By joycecheung on 29 Apr 2019

商台DJ少爺占(甄子康)一向以搞笑無厘頭形象示人,但原來望落大男孩玩唔停嘅佢其實係一位長情專一嘅大暖男!唔經唔覺少爺占原來已經和太太Tina(冼燕珍)結婚13年,育有今年5歲嘅囝囝Timmy,雖然二人對感情一向保持低調,但不時被記者拍到一家三口享受家庭樂,而太太Tina更加係少爺占嘅幼稚園同學,二人嘅緣份就如童話般夢幻呀~!

廣告
廣告

Photo from ig @ jimyan

少爺占與太太係青梅竹馬嘅幼稚園同學,二人係中學時期重遇及拍拖,阿占曾直言其實對幼稚園嘅片段好模糊,幼稚園畢業後一直都冇聯絡,直到中學遇上後二人表面並唔係一拍即合,太太Tina熱愛運動,並且成績出眾,中一至中四都讀精英班;相反阿占成績平平,而且冇運動細胞,但呢一切都冇阻礙二人戀上,一拍就拍足17年,真係冇幾多對情侶做到!

Photo from ig @ jimyan

阿占並冇諗住張揚呢段幸福關係,直到06年選擇係情人節當日結婚,仍然將婚訊收收埋埋,連商台同事及朋友都蒙在鼓裡,直到2013年先係Facebook公開婚訊以及大曬恩愛:「從前我愛上排球隊隊長,她用雙手打出理想。我沒有運動細胞,只能用雙手畫畫給妳。中學生應該談戀愛,拖著妳愛到冬天不怕冷。到了這一天快得似做夢,七年前的這天,我倆在結婚證書上簽署走進人生另一個階段。男孩像我有很多,幸運被妳選中。秘密基地今天要對外開放了。Old school love, Tina and Jim.」更上載於幼稚園時期合照一張,太太Tina坐係左一、阿占右一,原來當年已經坐係同一行咁有緣份~

Photo from Facebook @ jimyan

阿占與太太相愛30年,無論外型還是感情上都好似冇變過一樣,二人甜蜜如初,更不時為對方送上驚喜,好似太太Tina幫今年42歲生日嘅阿占送上生日驚喜,,一早約定成班老友,阿占一落車成班人一齊唱生日歌,Tina仲預備咗阿占最鍾意嘅多啦A夢蛋糕,老夫老妻都仲咁有心!而工作忙碌嘅阿占都好珍惜和老婆相處嘅每分每秒,即使工作中幾個鐘頭嘅空檔都會同老婆行下街,老婆生日仲專登安排係飛機上慶生,恩愛程度簡直同新婚夫婦冇分別~

Photo from ig @ jimyan

廣告
廣告

Photo from ig @ elannek930

雖然已經結婚多年,但每日都好似蜜月期一樣,早前阿占帶老婆遊日本,係IG辛苦老婆咁多年嘅付出:「要照顧兒子這幾年我未見過你休息,沒有一天睡超過五個小時。難得Timmy 選擇去爺爺嫲嫲家,隨時可兌現,只要你肯跟我走。難得的四天東京,而蜜月期沒過去......」有個咁窩心嘅老公,我想阿占太太一定係全世界最幸福嘅女人之一!阿占更經常係社交平台上載溫馨照,愛家愛到出哂面,向老婆大派定心丸~!

Photo from ig @ jimyan

Photo from ig @ jimyan

阿占除咗係一個好老公,更係一個好爸爸,一放假就會爭取時間同囝囝相處,亦直言係個「超級慈父」,絕對唔忍心鬧小朋友,更考慮到囝囝培養自己興趣安排就讀國際學校,更加換大啲樓俾多啲活動空間囝囝,所有嘢都考慮周全!

Photo from ig @ jimyan

Photo from ig @ jimyan

Photo from ig @ jimyan

如果要揀娛樂圈最大反差男藝人,我一定會揀少爺占,雖然平時鍾意搞笑扮嘢、冇嚟正經,但骨子裏係一個長情、專一、愛家、有責任感,做任何事都比其他人認真嘅絕世好男人!

 

Text:TopBeauty Editorial

Photo source:Instagram、Facebook

 

 

 

 

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK