真愛，能夠穿越時間～莫文蔚與初戀老公由豆芽夢至牽手一生，兜兜轉轉24年還好最後有你～

能夠跟初戀走到最後，係好多女生眼中，都係一件浪漫又刻骨銘心嘅愛情故事。但一段關係能夠排除萬難，豈會是一件簡單平常事呢～莫文蔚嘅愛情故事，未必係令人最動情，但或者會令你對愛情改觀—人來人往嘅日子中，原來真愛，可能一直無離開過自己。

Photo from from Weibo

17歲青蔥歲月，係唔少女情竇初開嘅年紀，17歲嘅莫文蔚當年喺意大利讀書嘅學校入面結識咗現任老公Johannes。浪漫嘅城市，青蔥嘅校園，令兩個後生仔一見鍾情，開始人生嘅初戀。

Photo from from Weibo

豆芽夢只係維持咗一年多，呢對小戀人因為一啲小誤會，女方主動提出分手。日子匆匆過去，由昔日求學少女，走上表演夢台，獨特嘅嗓線令佢魅力萬分，迷倒裙下嘅又豈只馮德倫一人～20幾年時光過去，跟幾位男朋友交往過，但最後都未能開花結果。

Photo from from Weibo

人所共知佢跟跟馮德倫多年感情，換來只有一句富有重量嘅「對唔住」幾年之後，莫文蔚講起馮德倫，調侃道：「馮德倫嘛，教會我談戀愛就要開開心心，該記得就要記得，不該記得就忘記。」曾經毫無保留地付出過，亦被人視如珍寶疼惜過，但唔代表你能夠一直笑到最後，但慶幸嘅，莫文蔚認清自己需要啲咩。

Photo from from Weibo

二人各自跟前度分開後，重新面對大家，一見如故再次墮入愛河。或者莫文蔚所言真係應驗了「即使整個世界背離了我，我還是依然堅信這個世上還會有一個人，願意跟我一起見證幸福，陪伴着走過每一段的人生低谷，是我靈魂上的支撐。」

Photo from from Weibo

2011年，莫文蔚宣佈嫁畀17歲初戀男友Johannes，兜兜轉轉走過一圈後，各自都歷經風雨、滄桑、磨難，Johannes已經係3個孩子嘅爸爸，莫文蔚亦都添了一份成熟感，唔再係當初嘅青春少艾了，但無礙佢哋發掘對方嘅美好，大家眼中就係最好嘅彼此。

Photo from from mokabyebaby @ ig

Text：TopBeauty Editorial

Photo source：Weibo，instagram