女星會這樣做令故意埋伴侶身的女生知難而退！面對另一半出現離心，可參考下以女星的4個方法解決！

By Maggie on 29 Apr 2019

Digital Editor

娛樂圈這個人人都稱為大染缸嘅地方，愛情誘惑非常多，於是有好多於娛樂圈工作嘅情侶或夫妻都會面對另一半有異性埋身，或甚至出軌問題。多個女藝人就曾經於節目上分享自己如何令故意埋伴侶身邊嘅女生知難而退。當然，亦有面對伴侶真的出軌了嘅做法。這些做法從來都無一個標準對與錯嘅答案，唔知妳們看後又有咩想法，會唔會效法呢？

1.袁詠儀：孩子同財富都要全部歸我！

袁詠儀曾喺《妻子的浪漫旅行》被問過假如老公張智霖愛上了另一個女生，佢會點做呢？靚靚認真講了自己觀點：無問題，但一定要話我知。靚靚仲霸氣話：當你唔再重視依個家庭，為了別人要放棄所有東西，包括愛、孩子同你嘅財富都要全部歸我！換句話說，即係老公張智霖要因偷食而背棄家庭，請將全部財產同仔仔嘅撫養權留下先可以離開。不過靚靚都坦言自己都會盡最大可能留住老公，唔會比機會老公愛上別人。但剛才嘅霸氣回覆，己經得到了同場其他女藝人掌聲。

Photo from ig @ cheung_chi_lam

Photo from 節目《妻子的浪漫旅行》截圖

2.應采兒要別有用心女生知道佢係唔好惹

外界好多人都話應采兒、陳小春這一對非常幸福，但原來應采兒都曾面對過老公疑似同其他女生搞曖昧一事。應采兒同樣於《妻子的浪漫旅行》節目裡分享了曾想證明一些事情而偷看小春電話。二人剛拍拖時，發現有個女生傳曖昧簡訊給小春，類似撒嬌問到小春怎麼不見了，於是應采兒做了一些事情要俾依個女生知道正印唔好惹，要佢知難而退。小春喺節目上都話從來唔知依件，仲馬上讚老婆好大量同隔空同老婆講對不起。雖然應采兒無講做咗啲咩，但網友就挖出應采兒喺2012年公開發文講過：哪個女人再發這些奇怪的短訊給陳先生，我就微博發你名字和電話，聽到沒？相信就係咁樣做嚇退了這女生！唔知身為讀者嘅妳又覺得依個方法點呢？

Photo from ig @ yingcaier

Photo from 節目《妻子的浪漫旅行》截圖

3.男友出軌，由分手成結婚。

2008年，當時仲係周慧敏男友嘅倪震被雜誌影到與內地女生於酒吧激吻，更之後被傳媒搵到倪震同該女生嘅床照。倪震雖然有公開道歉，但最終二人還是要分手。點知分手幾日後，男方又發出聲明，宣佈女友周慧敏答應嫁給他，二人由分手變到結婚，全都係大家估唔到！外界有好多替女生唔抵嘅聲音，但雙方都無公開太多內情，假如妳係周慧敏，妳會跟對方分手還是結婚呢？

Photo from ig @ vivianchowwaiman

4.以神力量去接受婚姻歴煉而選擇原諒

剛發生無耐嘅「安心事件」震驚全港人。許志安跟sammi好友黃心穎搭上，喺的士上不停激吻。男女雙方雖都有道歉，但至今仍然被鬥爆。而sammi就選擇咗不放棄對方、互相糾正、互相提點，透過神嘅支持於婚姻中接受歴煉而原諒安仔。聲音兩面倒，有的人認為sammi就咁原諒，只會令安仔下次偷食時收藏得更好，而同樣信神嘅朋友就支持sammi做法，明白神可以令佢地兩公婆渡過難關！唔知當妳面對同樣事情時，又會唔會好似sammi咁原諒對方呢？