這些40+女藝人愈老愈美！素顏後的超逆齡肌膚，連少女都要跪拜

By joycecheung on 29 Apr 2019

今時今日大部分女仔都會化妝出街，化妝可以遮走臉上大部分瑕疵例如黑眼圈、痘印、毛孔，如果叫女仔素顏就等於叫佢地裸體，一個二十幾歲嘅女仔都未必夠膽素顏出街！但娛樂圈中有唔少女藝人好似食咗防腐劑咁，即使年過40仍然保持到一臉好肌膚和好氣質，絕對拍得住二十幾歲少女！「世上冇醜嘅女人，只有懶嘅女人」呢句說話絕對冇錯，大部分女星為咗保持青春樣貌，係保養方面絕對唔會鬆懈！一齊睇下有邊位女星可以維持不老「娃娃臉」～

1.佘詩曼

有睇《延禧攻略》嘅人應該都會留意到佘詩曼係裡面皮膚完美無瑕，即使面對高清鏡面都無有怕～樣貌更加和二十多年前參選港姐無太大分別，少咗啲baby fat，多返份成熟女性味道～佘詩曼非常注重運動同埋飲食，準時食三餐之餘仲唔會食垃圾食物，另外卸妝都會卸4次，可以keep到咁都唔係冇理由！

Photo from Weibo @ 佘詩曼

2.林心如

林心如係《還珠格格》年代已經有滿滿嘅氣質，估唔到二十年後嘅今日林心如好似凍齡咗一樣，仲不時大曬素顏相上社交媒體，而且冇加任何誇張鏡效果，臉上都睇唔到絲毫歲月嘅痕跡～其實女神為咗維持美貌同身型都下咗唔少苦功，除咗勤力做運動外，「膠原蛋白」食物例如花膠、雪耳更加係林心如必備～

Photo from Weibo @ 林心如

3.大S

有「美容大王」之稱嘅大S一向對於美容非常有要求，已經晉升成為人妻、人母，慢慢淡出幕前，但對全身上下沒有一部分鬆懈過～生完BB跟營養師制定餐單進行半節食，一日只食早餐和午餐，更加每星期最少做三日運動，美容方面每日濕敷當然唔少得，更加會每天早上飲一杯薏米牛奶加強美白去水腫，另外亦都會配合穴位按摩進行排毒～

Photo from Weibo @ 大S

4.賈靜雯

賈靜雯與細佢9歲嘅修杰楷結婚並生下女兒咘咘，成為一位幸福人妻及媽媽，即使姊弟戀但臉上看不出任何痕跡～雖然做媽媽已經好忙，但賈靜雯會偷女兒瞓覺嘅時間去敷面膜做保養，另外亦會每朝飲用枸杞紅棗汁，有養顏美容效果！

Photo from Weibo @ 賈靜雯

5.徐若瑄

魔鬼身材同天使臉孔集於一身嘅徐若瑄的確令唔少人羨慕，但其實除咗外貌取勝，徐若瑄亦有堅強嘅意志力，身為40歲高齡產婦面對生產不順利要臥床142日！雖然困難重重，但臥床期間嘅徐若瑄即使素顏依然美若天仙，產後亦積極健身回復身段，如何冇工作一定會係晚上11-2時入睡，維持正常作息時間，更曾透露戒掉牛肉和雞蛋後背膀離奇變薄，小腹都竟然慢慢變平！只能夠講女神真係天生麗質啦～