成日被蚊咬因為你太善良！研究：蚊子「欺善怕惡」，愛選動作看起來較善良的人來叮～！

相信大家都有試過明明幾個人企埋一齊，偏偏只得一個人不停畀蚊咬，最後搞到遍體鱗傷⋯⋯原來有啲人成日畀蚊咬，並唔係因為佢地嘅血較甜較好飲，而係因為佢地比較善良！

由美國華盛頓大學早前進行咗一項研究，發現蚊竟然係一種「欺善怕惡」嘅動物，越善良嘅人就越會畀佢地咬！

研究人員將蚊子放喺充滿人類氣味嘅空間中，然後喺20分鐘內以震動不停干擾蚊子嘅叮咬動作，震動強度相當於人類拍打蚊子時造成嘅空氣震動，結果發現被干擾嘅蚊喺接下嚟嘅24小時，都會避開呢種氣味，效果相當於噴咗蚊怕水！

蚊有學習能力同危機意識

研究發現蚊有學習能力同危機意識，當隻蚊被你不斷拍打同干擾時，佢會認得你嘅氣味同記住差啲被打死嘅經歷，然後喺未來時間刻意避開死神（即係你）。

而呢種學習能力會令蚊識得判斷你嘅動作，從而知道邊個人防衛能力較強或較弱，所以趕蚊時求其揮兩下手嘅人，通常會係被咬得最慘嘅一個。

所以下次趕蚊時，記得動作要惡狠一啲，令自己成為一支「行走的蚊怕水」吧～！（笑～～～～）

Text：TopBeauty Editorial

Source：National Geographic

Photo source：Pinterest