無名小卒張家輝與大台一姐關詠荷之戀～地位懸殊愛情也要離地，卻是影響對方一生；陪伴一世的伴侶。
講起娛樂圈絕世好爸／好老公，大家都會記起劉青雲、梁家輝，而張家輝大概跟以上兩者都有共同之處—曾經都被笑係「癩蝦蟆想食天鵝肉」。入行以前係做警察，因為際遇唔好，因此辭職入咗娛樂圈。紅之前，有邊個唔係由低做起？梁朝偉、周星馳如是，而張家輝一樣，入行後做「二打六」，但佢演來演去都係做旁邊嘅小角色，無代表作，星途非常黯淡。
Photo from from Sina
偏偏係人生最濕滯嘅歲月，遇上一個吸引佢嘅女人—關詠荷。不知有那來的勇氣，一個無名小卒，竟然夠膽向電視劇一姐展開追求攻勢；更加出人意表嘅係當年紅透半邊天，每套劇都擔正做女一嘅關詠荷真係愛上咗張家輝。即使90年代「港女」一詞未盛行，但每個年代，女生都同樣面對「愛情定係麵包」嘅兩難抉擇，喺關詠荷事業得意之時，佢選擇咗當年仲係一事無成嘅茄喱啡—張家輝，當時大概大家都只係識叫佢「茄喱啡」，因為企係娥姐隔離嘅張家輝，確實寂寂無聞嘅小卒。
Photo from from Sina
當年家家戶戶都係「電視汁撈飯」，《苗翠花》、《醉打金枝》同《陀槍師姐》，都係關詠荷擔正做女角嘅電視劇，《陀槍師姐》飾演娥姐一角，就算你無睇過，都一定聽過，只要有關詠荷，電視劇集收視就有保證。理所當言地，張家輝「好大的一個膽」，高攀比自己有名氣嘅當紅花旦關詠荷。
Photo from from Sina
Photo from from Sina
Photo from from Sina
戀情曝光後，大家都投不信任票。現實歸現實，理性嘅人就係會明白，關詠荷前途無可限量，關於愛情，可以有更好嘅選擇；關於事業，可以創更遠嘅高峰。外界開始恥笑張家輝，難聽說話不絕耳，也許連張家輝都抵受唔住輿論，唯獨是關詠荷從沒動搖，深信眼前嘅男人會給予她幸福。
Photo from from Sina
關詠荷嘅愛，係無畏而無懼，係對愛情給予肯定、信任。但人非草木，好多時更加係矛盾地活著，對張家輝而言，眼前有一個愛自己又優秀嘅女人，但自己卻係處處不順、事事不濟，唔能夠愛得明正言順，更無辦法向心愛嘅女人給予徹徹底底嘅幸福，愛情係現實生活面前，有時可以愛得奮不顧身，但都可以一下子變得脆弱而不堪無數打擊。
Photo from from Sina
自尊受損、無力感、女尊男卑嘅壓力，令張家輝選擇一走了之，一走就係8個月。身在南非嘅張家輝本來真係打算唔再番香港，直到同佢相依為命嘅家姐患癌入院，佢先趕番香港。眼見心愛嘅女人一直守候住自己屋企人身邊，有邊個男人可以不為所動？一個人哋唔上心嘅名，喺關詠荷心目中，卻係最重要。
Photo from from Weibo
「你而家唔得啫，有邊個擔保你將來唔得啫？」喺張家輝最不濟時，關詠荷給予佢最大嘅肯定。呢份肯定，全出現於娥姐嘅智慧—睇到家輝有等待被發掘嘅實力；更多嘅係忍耐—忍受著男人軟弱時會有反常嘅一面，甚至喺事業最火紅時，選擇退出幕前﹐專心相夫教子。
Photo from from Sina
2009年，張家輝憑《証人》一角，爆炸性嘅演技拎咗金像獎影帝，電視銀幕上，我哋見到張家輝跟太太關詠荷激動擁抱，抱住咗好耐......台上一秒鐘、台下十年功，張嘉輝20年嘅努力，終於被獲得肯定，亦對自己緊抱嘅女人所交代。喺台上發表得獎感受時，張家輝將功勞歸功於太太：「因為佢為呢個家付出，我先可以將所有精力投放於演戲上，太太係我喺娛樂圈最大嘅收穫。」對於一對曾經愛得無力，卻願意向對方給予無限信任嘅戀人，終於得到成功一刻嘅喜悅，大概只有歷盡甜酸苦辣嘅佢地先會明白。
5年前嘅《激戰》，45歲嘅張家輝練得一身肌肉，跟彭于晏野打出一幕幕拳拳到肉嘅熱血MMA拳賽，觀眾眼中，45歲骨頭脆，無疑係搵命博。
Photo from from Sina
無可否認，張家輝係實力派演員，有今日嘅成就，10分都係靠個人努力，但擁有呢10分努力嘅背後，更多嘅係太太關詠荷放棄個人成就，再用萬分耐性與愛孕育出遇強愈強嘅張家輝。能夠一同成長，由始至終都有對方陪伴，直到苦盡甘來嘅一刻，仍可以跟對方分享過去種種經歷與回憶，這就是難能可貴嘅真愛。
Text：Girlslike Editorial
Photo source：Sina，Weibo
