向海嵐明白選擇錯的人比單身更痛苦～女生有要求是正常事，寧缺勿濫不可因愛情而將就自己。

By Maggie on 30 Apr 2019

Digital Editor

love yourself and the rest will follow.

大家仲記得向海嵐依個名嗎？向海嵐係1998年嘅香港小姐冠軍，期後於大台出演多套劇集，當中以《楊貴妃》楊玉環一角，最為人熟悉，更因此成了當紅花旦。當了10年藝人，卻因想尋找新突破，毅然喺自己最紅時期淡出娛樂圈，到了上海做了4年公關人員。事業發展得越來越好，愛情卻好像始終欠了一點運氣，全因向海嵐由年輕開始已經明白寧缺勿濫這個道理。

向海嵐出身富裕家庭，有著姣好嘅外貌，加上有一份唔係人人都有嘅氣質，令本來就有加拿大經濟、心理雙學位嘅佢更有條件優勢。從小到大都不乏追求者，要搵到一個男朋友就更加唔係一件難事，不過因過往經歷，令佢明白選擇錯的人比單身更痛苦，寧缺勿濫先最重要。

Photo from ig @ anneheung

向海嵐唯一一段為人所知嘅戀情就係同M8經理人公司高層盧耀威拍拖，雖然對方出身顯赫，但向海嵐最終都以性格不合同對方分開。依次之後，向海嵐就一直過著單身生活。事後，向海嵐喺大談愛情觀時都話：價值觀要一致，絕對唔需要如富二代般有錢。可見向海嵐係一個有想法嘅女生，絕對唔會順便搵個有錢人嫁咗去草草了事！

Photo from ig @ anneheung

現年45歲嘅向海嵐從來都無為自己嘅愛情而感到焦急，但佢身邊嘅朋友同記者都愛問佢幾時有男朋友，幾時結婚依類問題。向海嵐都通通大方回應：隨緣吧，到咗依個階段唔會為拍拖而拍拖。

Photo from ig @ anneheung

經歷過愛情洗禮，向海嵐更享受單身。對於愛情，佢有一個睇法：我享受一個人時光，有時見到身邊太多唔同個案，好辛苦咁維繫一段關係，點解我要搵一個人回來令到自己唔開心呢？不過向海嵐都坦言，自己依然相信愛情，只不過未遇到適合嘅人。

Photo from ig @ anneheung

女生只要一到30歲還未嫁人，身邊嘅人就會開始勸妳快點搵個對象嫁出去，好多女生都因而就範降低自己身價，好像越快成為人妻才算得上成功。但向海嵐就有別於一般女生，每次一講到擇偶要求佢都會話：我要求唔高，但我覺得有要求都好正常。佢用自身嘅分享話俾大家知，人過了30歲其實都可以有尊嚴地活，不要因年紀而將就自己。