分手後要懂的5個道理～即使感情無可奈何劃上句號，學會放生、不執著會令妳更好過。

關於愛情這回事，本來就需要經歷過相遇、相知、相愛、離別後，人生先會明白愛情箇中甘苦。一輩子做溫室小花，反而會令你失去成熟後應有嘅愛情智慧同勇氣。5個分手後需要明白嘅道理，女生們，用心去了解並且實行，從眼淚與成長中盼望下一段感情吧～

＃1 分手就係分手，請唔好用「做回朋友」為前題

分手當然令人痛得死去活來，但要好好記緊「長痛不如短痛」呢個原則。如果你一直放唔低，奢望結果可以完全改變，一路都將傷心握得太緊，你又點樣去擁有其他風景呢～「做回朋友」只係一種止痛藥，畀一個藉口自己—覺得佢仲生活於你生活中，係時候要醒一醒喇～

Photo from missjni @ ig

＃2 千萬唔好因為寂寞而拍拖

分手後時間變得漫長，多咗百無聊賴嘅日子，有人會因為不甘寂寞想盡快開始下一場戀愛，甚至當拍散拖係「忘情水」一樣，有能力忘記本來嘅傷痛。但你要有心理準備，經歷人生低潮時， 一切產生嘅感情都係假象，甚至會糟糕地結束，唔想令人生充斥呢啲多此一舉嘅污點，就唔好因為不甘寂寞而拍拖了。

Photo from avabibu @ ig

＃3  必須自我檢討

正確嚟講，係透過自我沉澱去作檢討。到底自己嘅性格如何？你夠認識自己嗎？何不襯住呢段時間自我檢討，令自己從沉澱得到釋懷。

Photo from sisleychoi @ ig

＃4 即使你仲愛佢，仍要學識放生 

有好多嘅感情，都只可以無可奈何劃上句號，世上好多故事都係以有緣無份作結。如果你仍感覺到呢段感情有餘溫嘅話，更要識得學識「放生」—放過自己、放過別人，糾纏不清只會令結局更難看。放手後並非一無是處，至起碼你會變得更有智慧對待下一段感情。

Photo from anjaylia ＠ ig

＃5  想喊就盡情喊，強顏歡笑會令你更壓抑

壓抑係一個好令人擔心嘅行為，即使分手都唔好要家人、朋友為你擔心吧～喊完就努力去忘記，學習決心刪掉一切跟他有關嘅連結。如果終日只沉澱喺舊日嘅美好，電話仍放有佢嘅合照，你必定難以重新振作。錯過、哭過就要努力重回正軌了～

Photo from avabibu @ ig

Text：TopBeauty Editorial

Photo source：Instagram