帥氣王敏德當年一見鍾情馬詩慧～27年來都以老婆為先，「太太生氣，我都會道歉先」幸福五口羨煞旁人！

By Maggie on 02 May 2019

Digital Editor

女生都總想有一個又帥氣、又鍾愛自己嘅男生喺自己身邊。可惜幻想歸幻想，只要現實真係有個咁嘅男生出現，身邊嘅朋友又會提點著妳要小心，彷彿依類外表討好而且對妳有意思嘅男生就係花花公子，一定會玩弄愛情於掌心。名模馬詩慧Janet都曾經遇過依個情況，但唯一唔同嘅係對方並唔係玩玩下，至今仲同Janet手拉手走過了27個年頭！依位對Janet用情咁深嘅帥氣型男就係王敏德Michael啦！

Janet同Michael相識於微時，當時二人仲係未有太多人認識嘅模特兒。佢地因拍攝廣告而認識對方～初次見面，Michael就已經同在場嘅工作人員講覺得Janet好靚，好想認識佢！

Photo from ig @ michaelwong_mw

Photo from ig @ janetma28

依次嘅一見鍾情令Michael著迷了，於是Michael就開始對Janet展開追求！Michael對心儀女士獻殷勤就不在話下，花言巧語都當然唔少得！Michael最終以一句令人哭笑不得嘅說話令Janet大動芳心：我覺得我地嘅孩子會好靚！

Photo from ig @ michaelwong_mw

Photo from ig @ janetma28

於是佢地就開始戀愛了。只係拍拖了7個月，Janet就懷孕了，於是佢地奉子成婚。大家都唔看好依場婚姻，可能係因為感覺佢地嘅戀愛基礎唔夠深厚，而且Michael樣子又太俊俏了，始終俾人有花弗嘅形象。於是Janet身邊好多人都開始替佢擔憂，不過通通都被Janet霸氣回應：不入虎穴焉得虎子！可見Janet對Michael信心十足，絕無因旁人嘅閒言閒語而放棄同Michael嘅戀情！

Photo from ig @ michaelwong_mw

Photo from ig @ janetma28

Janet同Michael一起恩愛走過了27個年頭，更證明當初嘅決定係無錯！Michael依然深愛著Janet，而且十分遷就太太。Michael坦言每次同Janet有爭執，都會最先同老婆道歉：試過幾日唔同我講嘢，但係我想同佢傾偈，所以我會先道歉。我老婆係個好硬頸嘅女人！就係因為愛先會甘願讓步同接受另一半嘅缺點。