傳奇女子翁靜晶～和老公劉家良相差30載，不甘被說有目的，息影成律師「前生係隻金絲雀，今生嫁他報恩」

By Maggie on 03 May 2019

Digital Editor

love yourself and the rest will follow.

翁靜晶依個傳奇女子有勇有謀，喺近年佛門警訊中智破假冒和尚詭計，誠心向佛不遺餘力，成為不少女性嘅偶像。翁靜晶其高尚品德得到不少人嘅認可，而喺佢同逝去嘅老公劉家良一樣有著有如傳奇一般嘅愛情故事！

翁靜晶於1984年與比自己大30年，而且曾有過一段婚姻嘅武打明星兼導演劉家良結婚。當時只有20歲嘅翁靜晶正處於人生嘅花樣年華，大眾都不明瞭為何如此年輕貌美嘅女子會選擇一個大自己30年嘅中年男士，更有聲音指當時仲係女藝人嘅翁靜晶為的是希望對方開戲俾佢拍而選擇同劉家良結婚。

Photo from Facebook @ 翁靜晶

對於依啲指控，翁靜晶於是息影，而行動攻破謠言，更之後靠自己嘅努力同聰明才智考取律師執照！依個傳奇女子對於外界嘅不明瞭，佢卻有自己嘅一套解說：我前生係一隻金絲雀，被劉家良飼養。今生嫁俾劉家良來報恩。

Photo from Facebook @ 翁靜晶

回望過去，喺劉家良逝世前嘅日子，即2013年之前，翁靜晶對患有淋巴腺癌嘅劉家良提供了無微不至嘅照顧，喺抗癌嘅五年間一力承擔老公嘅醫療費−每三個月付一次價值20萬嘅吊針。翁靜晶都直言：我自己無什麼花費，最大嘅奢侈就係他，我將省下來嘅錢都俾老公了。如此有情有義嘅女子卻是世界少有！

Photo from Facebook @ 翁靜晶

翁靜晶年輕時有著姣好嘅外貌，身邊自然多狂風浪蝶。曾經有媒體報導過佢同律師行嘅上司往來頻繁，更有報導指老公捉奸在床。面對依啲流言蜚語，翁靜晶大方回應：我只可以說，一直都有好多人追求，我都得承認自己都好享受別人追求，但無論我有幾喜歡都好，因為有老公在，我都唔會越過依條線，去到依條線我就會停。每個人嘅界定都唔一樣，但無人係可以取代劉師傅。真正嘅愛就係經得起驚濤駭浪，最後都會歸於平靜。