分開才是更好的開始！4位女星離婚時的心境值得你學習：由今日起所有事都跟他無關～

要維繫一段感情從來都唔係輕易嘅事，愛需要經營～而婚姻中所需要嘅心機同努力更係幾倍之多，因為當中包含對一個家庭嘅責任。可惜，社會上有唔少人無法成功維持一段美滿嘅婚姻，當中誰對誰錯並唔係最值得著眼嘅地方，反而係呢段關係最後比到你嘅係一個點樣嘅經驗同體會，教會你喺往後嘅生活，如何更好地尋找幸福！以下呢幾位女星，都經歷過離婚，婚姻雖然結束，但佢地仍重新找到勇氣同信心。

# 呂慧儀

呂慧儀同前夫黃文迪一直以來都係大家眼中嘅幸福夫婦，佢後來宣布離婚，大家都覺得好可惜～對於分開理由，佢話：「沒有對錯、只有因果」大家相處十幾年，最後因為了解而分開～

Photo from konniecrab @Instagram

愛一個人無分對與錯，當初一定有喺埋一齊嘅原因，無奈最後無辦法走到最後，雖然婚姻結束，但人生仍然掌握喺自己手中，呂慧儀依然努力擔起照顧兒子嘅責任，就算工作再忙都盡心盡力照顧囝囝，無為自己嘅選擇而後悔，只係全心為自己做嘅決定負責，佢話每天都要比昨日努力多一點！

Photo from konniecrab @Instagram

# 陳貝兒

感情係兩個人嘅事，唔需要向人交代，但係發展到婚姻呢？又係唔係只係兩個人嘅事？結得婚又有邊個想離婚，陳貝兒都係咁樣諗，當時決定同前夫分開係兩個人理性考慮下作出嘅決定，始終係一段6年嘅關係，離婚後兩人用另一個相處方式繼續做朋友～

Photo from chanjanis @Instagram

當時最令佢苦惱嘅反而係點同父母交待，怕佢地會失望，會接受唔到，雖然深知好對唔住父母，但佢知道佢同前夫已經努力過，有啲事就係勉強唔到，兩個人明白就夠了。

Photo from chanjanis @Instagram

# 樂基兒

樂基兒宜家已經生咗一個囝囝，成為幸福人妻，同老公經常放閃～佢曾經同黎明有過一段情，兩人都度過過好美好嘅時光，不過最後都係因生活理念出現分歧而分開～

Photo from gaileofficial @Instagram

樂基兒話過由分開一刻起，所做嘅事唔再同黎明有關，希望大家可以各自重新開始。每個人都有美好嘅過去，但唔需要經常回望，因為更好嘅生活會喺將來等住你！就好似樂基兒同黎明一樣最後都搵到自己嘅幸福～

Photo from gaileofficial @Instagram

# 趙頌茹

當年趙頌茹同周永恆嘅婚姻因為第三者介入，以及家暴而破裂，阿Yu為咗自己同兩個囡囡嘅幸福，決定離婚。

Photo from chiuchungyu @Instagram

阿Yu明白到如此婚姻，唔單止傷害自己，亦傷害女兒，一個已經失去愛嘅家，對小朋友成長一啲好處都無，有人會以為小朋友係連接婚姻嘅橋樑，但其實一段死去嘅婚姻，勉強下去只係連累子女～

Photo from chiuchungyu @Instagram

Text：TopBeauty Editorial

Photo Source：Instagram