別給一時的心動而騙了！心理學中的三個「愛情錯覺」令你容易喜歡上別人，不等於愛情真的來了～

By joycecheung on 03 May 2019

愛情總係會令人變愚蠢，分不清對與錯，以為遇上對的人，但對方只係當你朋友；以為遇上真命天子，但對方係傷得你最深嘅一個。要喜歡上一個人其實可以好容易，可能一句關心、一份幫助，已經好易令人有錯覺，原來心理學中有3大「愛情錯覺」，唔想每次都誤入愛河，記得要睇落去～！

Photo from Pinterest

1.曝光效應

曝光效應又被稱之為接解效應、熟悉定律，簡單嚟講即係日久生情，當見一個人嘅次數愈多，關係會變得親切，而且好易會察覺到對方嘅優點，漸漸會產生喜歡嘅感覺～曾經有大學研究做過實驗，安排女生坐係課堂裡，佢地唔會同任何人交流，唔同女生出現次數有多有少，調查後訪問學生，結果發現學生對出現次數較多嘅事女生比較有好感～意思即是你可能對你身邊經常出現嘅男士產生好感，但可能只係「曝光效應」嘅錯覺～但前題係對方都對你有感覺，如果你成日出現係對你冇感覺嘅男生面對，對方可能只會覺得你煩厭～如果和心儀對象唔熟，少說話、低調的出現係佢身邊可能會更好～

Photo from Pinterest

2.吊橋效應

人走在吊橋上會產生不安、恐懼、心跳加速嘅感覺，如果呢個時候身邊有異性，好多人都會將心跳加速嘅感覺錯誤理解成向對方嘅「心動」～曾經有研究實驗「吊橋效應」，安排女生企係搖搖欲墜嘅吊橋中央，向對面獨自前來嘅男生表示自己正在研究，給予電話號碼並請求對方打電話，如果有50%男士都有打電話比女生；相反，同樣實驗但安排女生企係固定嘅橋，結果只有12.5%嘅男士打電話，可以顯示男士係吊橋上緊張害怕嘅感覺，令佢地誤以爲心跳係因為女生所致～

Photo from Pinterest

3.黑暗效應

有冇發覺好多情侶都鍾意去一啲比較暗嘅地方，例如係好暗嘅餐廳、戲院等？係心理學角度認為呢個係「黑暗效應」，從古至今，黑暗會令人有威脅嘅感覺，係黑暗中對同伴嘅需求會增加，而且係黑暗嘅環境會好難見到對方外貌，令人減少戒備感，感到放鬆有安全感，並且會好自然流露真我；當感官失效後，人會變得脆弱而敏感，從而好容易喜歡上一個人～