Adele 宣布離婚，天后提醒女生做人應有生存哲學—即使內心崩潰，仍要緊記自己的價值。

By Michelle on 03 May 2019

Digital Editor

私生活一向都十分低調嘅英國巨肺天后Adele透過經理人公司向外界宣布，已同丈夫Simon Koneck結束婚姻關係，雖然未有進一步透露分開原因，但就表示日後二人會共同撫養囝囝。好多喜愛Adele嘅歌迷非常擔心佢嘅狀況，而當事人沈默兩星期後，琴日首度於社交平台ig上發文。積極開朗嘅 Adele不改幽默個性，以搞笑短句配以圖像逗樂網友，大家見到Adele識得講笑，都稍為放鬆心情～

琴日，Adele上載兩張完全唔同心情嘅相—左邊係拿埋口面傷心又沮喪嘅樣、而右邊係以「yo」手勢輕鬆嘅模樣合拼成一張圖片，佢又作咗一句語帶雙關嘅句子配圖—「當你意識到自己嘅心情時，下一秒都諗起你自己係邊個。（When you catch yourself in your feelings then you remember who you are）」

Photo from adele @ ig

雖然無直接提及到婚姻關係，但不難感覺到句子有語帶雙關嘅意思。推斷係Adele恢復單身後，輕描淡寫講出自己心境變化嘅感受。帖文隨即引起好大迴響，網民反應一致支持堅強嘅Adele，天后魅力唔單止有驚艷嘅歌聲，更有一套「生存哲學」令佢活得美麗～

Photo from adele @ ig

雖然一度感到悲傷，但只要記得自己仍有責任在身，一定會捱得過痛楚。所謂人要遇強愈強先會進步，我哋嘅生活入面一定充斥住各種困難同令人想放棄嘅時刻，但人大了，就要有勇氣打每一場仗～而且好多時候，你會發現自己並非孤身作戰，仍然有好多愛你同支持你嘅人呢～

Photo from adele @ ig

只要留意Adele嘅歌曲，你就會發現小妮子面對難關重重嘅愛情，大多抱有希望，更不怕失敗，勇於接受挑戰～好似《Someone Like You 》其中一句歌詞：Never mind, I'll find someone like you（唔緊要，我會搵到一個能代替你嘅人）

Photo from adele @ ig

兩人由邂逅、相知、相愛，一切講求緣份外，更需要夫妻間不斷嘅付出同配合。面對婚姻危機，有心人都會尋求挽救方法，只可惜世事，特別係感情事，往往難以掌握大局。老土一句：係你就係你。緣份到此，就要拍拍身上塵土，各奔前程。歌曲《Hello 》曾有一句歌詞：That the both of us are running out of time！（我哋只係浪費時間）—當一段關係，走到盡頭無可挽救，糾纏下去都只係浪費時間。