黃日華結婚30載依舊恩愛，放下一切守護患癌妻，承諾照顧一生「沒什麼可給您，只能每天愛您多一些！」

By joycecheung on 03 May 2019

現年57歲嘅黃日華當年為無綫當家小生，拍下唔少為人熟悉嘅經典電視劇，例如《射鵰英雄傳》、《義不容情》等，除咗演藝作品外，黃日華最為人熟悉相信係護妻心切嘅完美男人性格，知道太太患癌後甘願放下所有，形影不離陪伴太太身邊貼身照顧，永遠放太太係第一位～

Photo from Weibo @ 黃日華

黃日華與太太梁潔華同為無綫藝員訓練班出身，1980年拍攝電視劇《京華春夢》認識梁潔華，82年開始拍拖，雖然中間曾經分過手，但黃日華始終心繫梁潔華，二人係88年拉埋天窗，兩年後更誕下女兒黃芷晴～

Photo from 電視劇照

黃日華當年為無綫一線小生，但梁潔華在演藝圈浮浮沉沉，最後選擇退出娛樂圈，加入保險界，並做出唔少好成績～而黃日華當年甚少緋聞，除咗工作外，其餘時間都會陪伴屋企人，係娛樂圈公認嘅「愛妻號」～

Photo from Weibo @ 黃日華

但好景不常，佢地幸福嘅生活面對唔少風浪。2013年尾梁潔華驗出患上血癌，當年亦係佢地結婚25週年紀念，佢地嘅銀婚紀念最終要在病塌中度過。黃日華為陪妻抗癌暫停手上工作，不停進出醫院奔波，太太因要住院接受長期化療，每月需要用上10萬醫藥費，為咗賺取醫藥費，黃日華頻頻到內地登地賺錢，不用工作就會回港陪伴太太，生活過得並不輕鬆～

Photo from Weibo @ 黃日華

經過5年抗癌生活，到達黃日華與太太30週年珠婚紀念，卻傳出太太癌症復發，黃日華退掉所有工作不停進出醫院照顧太太。雖然黃日華稱太太冇復發，只係覆診檢查，但太太抵抗力比較弱，唔適合外出，需要專心係屋企休養，黃日華亦兌現當年結婚許下「無論疾病健康將永遠愛你」嘅承諾，貼身照顧好太太，永遠對她不離不棄～

Photo from Weibo @ 黃日華

黃日華曾係太太生日當天上載一張慶生照，並寫下愛的承諾：「親愛的，您又大一歲了！沒什麼可給您，只能每天愛您多一些！」 女兒黃芷晴曾經係內地節目大爆爸爸黃日華一生只愛4樣東西：足球、奶茶、麵包和老婆！黃芷晴更透露爸爸一返到屋企見到老婆就會變小綿羊一樣溫柔～黃日華聽到女兒如此稱讚佢都忍唔住落淚，更加發表愛妻宣言：「女兒不是自己選擇，可是老婆是娶回來，是自己去選擇，對我來講，是畢生中最重要的人，我一定要給她最好的，疼她、保護她、愛顧她，這個非常重要。如果要選老婆重要還是女兒重要，我覺得老婆比較重要！」會講呢番說話嘅男人真係比完美更完美了！