有好條件不代表是好老公！終身伴侶checklist，看看他值得付託終身還是短暫交往～

正所謂好男友，唔代表係好老公，條件好嘅對象，唔代表佢係好嘅終身伴侶～明智女生必須學識分辨佢到底只係適合交往，定係可以喺感情路上同你互相扶持，同你共度一生嘅人，以下呢個終身伴侶checklist，大家不妨做個參考指標，如果伴侶全中以下9項特質，絕對係一個筍盤，千萬唔好放手啦～！

# 支持你嘅夢想、尊重你嘅選擇

可能你想做嘅事，同高薪厚職，有明朗前境完全無關係，但作為你男朋友，佢一直係你身邊默默支持你，唔會取笑你嘅夢想不切實際，更會鼓勵你勇敢追夢，希望你嘅人生可以一直開心同享受。

Photo from Pinterest

#  能讓你成為更好的人

一個好伴侶就等如一面鏡子，可以令你睇到自己有咩不足，同時你會被佢嘅興趣、品味同思想慢慢感染，不知不覺地進步，成為一個越來越優秀嘅人。

Photo from Pinterest

# 愛屋及烏

一個好嘅終身伴侶，會願意花時間同耐性了解你嘅朋友、屋企人，識得尊重你家人、朋友，女生們要記住，朋友對你伴侶嘅評價都係有參考價值架～！

Photo from Pinterest

# 願意為你讓步

無論幾合得來嘅一對，都總會有意見分歧嘅時候，天下間無一對情侶會完全想法一樣，但當遇到到意見不合時，終身伴侶會願意跟你溝通，重視你嘅意見，甚至願意為你讓步、妥協，因為真正愛你嘅人會在意你嘅感受。

Photo from Pinterest

# 讓你能自然地做自己

一個可以走好遠好遠路嘅終身伴侶，要擁有歡樂先可以支撐平淡嘅日子，你可以喺對方面前做自己，表現出真個性係非常重要，毫無保留地展露孩子氣一面，或者靜靜伴著對方過一日，自然而不造作。

Photo from Pinterest

一個好嘅終身伴侶從來都唔會留戀你某一面嘅美好，因為佢明白，每個人都有唔美好嘅一面。當大家相處有磨擦時，佢唔會輕易放棄、對你失望，因為呢啲缺點唔會減淡佢對你嘅愛。

Photo from Pinterest

# 做你最好的聆聽者

人無千日好，花無百日紅，人生就係有起伏，唔會一直開心，都唔會一直唔開心。情緒來襲時，好令你安心嘅終身伴侶會樂意聆聽你嘅擔憂，願意了解你內心真正情緒，你唔會覺得受限制或者嚇走佢，因為佢會靜靜待在你身邊。

Photo from Pinterest

# 給你自由和空間

即使幾親蜜嘅伴侶，都會有各自嘅私人空間。一個好嘅終身伴侶會清楚你朋友圈，但又唔會干擾你嘅交友，都唔會要求你將時間投放哂喺佢身上，令你可以於事業、家庭、朋友、愛情之間取得平衡～

Photo from Pinterest

# 放心將整個人交給他

作為一個好嘅終身伴侶，會了解你嘅需要，給予你需要嘅安全感，令你可以安心倚靠佢，唔會擔驚受怕！

Photo from Pinterest

Text : TopBeauty Editorial

Photo  source：Pinterest, Instagram