7年之癢根本不存在!雷神和老婆結婚8年越愛越火熱,相差7年的姐弟戀激情火花四濺~!

7年之癢根本不存在!雷神和老婆結婚8年越愛越火熱,相差7年的姐弟戀激情火花四濺~!

Hot Topics
By Claire on 06 May 2019

雷神(Thor)Chris Hemsworth 一向公認係好老公同好爸爸,佢喺Instagram經常曬老婆同3個仔女,同大7歲老婆 Elsa Pataky 於2010年結婚,至今依然好恩愛甜蜜,「7年之癢」對佢地嚟講根本唔存在!

Chris Hemsworth 因出演「雷神」一角而紅遍全球,靚仔五官加上壯碩肌肉令佢成為好多女仔嘅男神,但佢喺有本錢盡情玩樂時,27歲嗰年就已認定大自己7歲嘅女星 Elsa Pataky,兩人只拍咗拖5個月就宣佈結婚,婚後唔夠2年就誕下大女 India Rose,之後又再誕下雙胞胎 Sasha 和 Tristan,5人家庭幸福滿溢!

而呢段緣份似乎係一早注定~Elsa 早前接受訪問時透露右手臂上有一個代表雷神嘅紋身,而呢個圖案早喺佢15歲時紋上,點知34歲時佢透過經紀人朋友認識27歲嘅 Chris,兩人一見如故並隨即墮入愛河,同年年尾閃電結婚!

兩人結婚多年恩愛激情依然不減,2018年 Chris 帶埋老婆仔女去海灘玩,身材火辣嘅 Elsa 著上性感三點式泳衣,Chris 忍唔住擁吻老婆,成個場面好火熱又甜蜜,相信無人會覺得佢地已經結咗婚7年有多!

Chris 近年工作非常繁忙,佢表示婚後同老婆因家庭工作關係完全無時間約會,但兩人依然用心維持關係,先保持到恩愛如初:「我和太太相戀、結婚、生養孩子,結婚後有幾年忙得幾乎忘了彼此,然後再重新愛上彼此。」

廣告
廣告

兩人重拾當年激情,Chris 幾乎出席每個公開活動都會帶埋太太,而且成日都喺IG分享一家五口嘅幸福生活,更公開稱讚老婆 Elsa「是世上最好的老婆,最偉大的母親」、「現實世界中的超級英雄」(a real life superhero)等等,可見佢對 Elsa 嘅愛意有幾深!

佢地仲會安排唔同嘅約會,拍拖享受二人世界,海邊、球場、直升機等等同愛人上天下海,同熱戀中嘅小情侶相差無幾~

其實「7年之癢」都係唔想繼續相愛落去嘅藉口,假如真係打從心底認定對方係終生伴侶,無論係7年定70年都唔會覺得厭,就好似雷神同佢老婆一樣~

Text:TopBeauty Editorial

Photo source:IG, Pinterest

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK