江美儀結束10多年情，灑脫女子漢：「好好善待自己！」樂活人生才是女人最好補品。
上年年尾宣布結束11年感情，回復單身嘅江美儀，被傳媒踢爆佢跟前男友吳君祥其實早於2006年已經喺美國註冊結婚。當時人雖然無親口解析結婚同離婚來龍去脈，但毫無疑問要面對11年情嘅告終，仍然係需要勇氣同自我調節，江美儀選擇開心見誠向公眾交待，更感激對方多年陪伴，「未來的日子，抱歉，不能繼續和你手牽手一起走下去了。我相信在各自的路上有著我們互相的關心和鼓勵，將來必定
Photo from elenakongmayyee
世上痴男怨女一對對，也許相愛很難，就難在雙方各有各寄望...要做個對感情事灑脫嘅女子漢，談何容易。但江美儀嘅灑脫，或者會改變你對熟女渴望得到愛情和被愛嘅形象。提到分手一事，除咗發文公開交代，更附上「好好善待自己」嘅標籤。獨立自主嘅性格，除咗係得天獨厚嘅優勢，更係一種經過身經百鍊形成一個自我保護嘅盾牌。當愛情走到盡頭，如果連你都選擇放棄自己，還能寄望誰去愛你？
Photo from elenakongmayyee ＠ ig
前男友吳君祥曾經畀記者影到跟女星單獨約會，江美儀淡然回應係應酬嘅一種，當時人大方淡定，旁人亦不便多言。感情路上，唔好奢望永遠風平浪靜，更何況，永遠風平浪靜亦唔見得係好事。經歷過挫折，就會明白最適合自己嘅愛情，長成甚麼模樣。
Photo from elenakongmayyee ＠ ig
江美儀近年有唔少演出機會，演技亦不斷求進，為自己建立多變嘅形象。所謂長江後浪推前浪，雖然娛樂圈眾多新面貌，當中又不乏年貌美嘅輕熟女，唔少曾經係當家一線花旦，都退守戰線至媽媽級角色。但47歲江美儀就實行遇強愈強，不斷自我挑戰，曾經穿上絲襪挑逗劉松仁因而被封「黑絲儀」，又於劇集《衝上雲霄Ⅱ》中跟馬明結緣，劇情需要仲有唔少情慾鏡頭。觀眾或多或少都有少少「不安感」，大概大家睇慣爺孫戀，而非姐弟情吧～事實上，江美儀雖然講唔上係凍齡美魔女，但就保養得宜，怪就怪細佢兩年嘅拍檔馬國明係美魔男，令姐弟組合有種講唔出嘅奇怪感覺罷了～
Photo from elenakongmayyee ＠ ig
江美儀熱愛行山，不時分享行山生活照，又鼓勵女人「把握時間去愛自己、明白自己是誰。Take the time to love and understand who you are！」
Photo from elenakongmayyee ＠ ig
演技精湛，贏得網民掌聲，同時亦有人覺得以佢40+嘅年齡，就唔應該再行性感路線。但江美儀就反駁，如果你明知佢係44歲，仍然有一副fit爆身材，令大家有幻想空間，先算係厲害吧！當時人落落大方嘅解說，不得不令人佩服。
Photo from elenakongmayyee ＠ ig
即將踏入48歲嘅江美儀，唔怕歲月催人老，同時有自己一套愛情相處哲學，樂活出自己嘅一片天地。孤獨與自由自在，都係一念之差，或者真正緣份上天早有安排，遲一啲遇見唔代表一世要孤獨終老；早一啲結婚亦唔代表有幸白髮齊眉，學會好好裝備自己，係為了遇見更好的他。
Text：TopBeauty Editorial
Photo source： Instagram
