父母離異住兒童院仍堅信愛情！陳柏宇發奮工作，定要給老婆女兒溫暖的家～

By Aisa on 07 May 2019

一個追逐夢想的女生，深信未來是屬於相信心中美夢的人。

陳柏宇（Jason）老婆符曉薇Leanne相戀多年，最後修成正果步入教堂～由兩口子到宜家擁有佢地嘅愛情結晶品，一家三口非常幸福，人前人後都甜到漏，成日都會見到兩夫妻喺IG上曬出一家人嘅互動！相信大家都諗唔到陳柏宇呢個大細路，今日會成為一個超級好爸，而呢一切溫馨嘅背後，原來佢小時候有過一段孤寂嘅經歷。

Photo from ckw720 @Instagram

唔講唔知原來當初Leanne對Jason嘅第一印象唔係咁好，當時佢地因為拍攝電影《喜愛夜蒲》相識，Jason當時就已經被Leanne深深吸引住，佢欣賞Leanne堅持做自己，覺得佢好爽直，不過Leanne當時反而對Jason印象麻麻～

Photo from ckw720 @Instagram

不過Jason並無因此而放棄追求所愛，Leanne後來慢慢發現佢真實嘅一面，原來表面「鐘意玩」、「大細路」嘅佢，對事業、愛情都有自己一套想法，於是就開始欣賞並愛上對方～

Photo from ckw720 @Instagram

而Jason表達愛嘅方式，就係大方向大家宣佈佢已經名草有主之餘，仲話自己已經認定Leanne係終身伴侶，承諾35歲前會娶佢，而佢最後亦順利履行承諾，佢覺得愛情唔一定要轟轟烈烈，只要兩個人一齊笑，一齊hea，平凡卻非常珍惜！

Photo from ckw720 @Instagram

成日聽人講，男人會喺所愛嘅人面前變成愛撒嬌嘅小孩，而Jason對住Leanne就係咁～Leanne曾經喺IG上傳過一段影片，當時Jason醉倒喺床上，埋怨太太從來無幫自己吹過頭，Fans們都不禁大讚Jason好可愛，的確，呢一面唔係咁易比人見到，只有對對方毫無戒備，先會表現出小朋友嘅一面。

Photo from ckw720 @Instagram

因為好驚會失去Leanne，所以Jason都想盡快實現佢嘅承諾。佢地當年拍下嘅婚紗相無華麗嘅擺設同打扮，只係做最「日常」嘅自己，但就正如佢地對愛情嘅宗旨，最緊要自然舒服，

Photo from ckw720 @Instagram

宜家嘅Jason愛家庭、愛老婆、愛孩子，呢一切令佢比往日更有魅力，更有男人味～而結婚生仔對普通人嚟講可能平常不過，不過對Jason而言就好需要勇氣。雖然佢一向比人樂觀嘅感覺，但原來佢自小父母離異，有一段時間因為父母無時間照顧佢而要住喺兒童之家，不過呢一切並無影響佢對愛情同埋生兒育女嘅信心，反而令佢更加鐘意小朋友，希望做一個好爸爸。Jason同老婆嘅故事話比我地知，幸福可以好簡單～