靠自己比較實際！楊秀惠拒絕當花瓶，聰明的女人除了會賺錢，還懂愛錫自己～

By Aisa on 07 May 2019

楊秀惠（Vivian）喺圈片出名嘅叻女，入行15年曾經遇過唔少打擊同挫敗，但宜家嘅佢喺唔同方面成功突破自己，唔單止演技大有進步，仲成為美妝店老闆，平時成日買勞力士名錶俾自己，係一個實至名歸嘅女強人，非常值得我地學習！

Photo from vvyeo @Instagram

除咗係一位出色嘅演員外，Vivian宜家仲係一位創業女性，佢2014年投資過百萬開「楊秀惠美妝店 Vivian Yeo's Beauty Sotre」做老闆，業務以代理唔同國家嘅美容產品為主，成功由演員轉型做生意人，係唔少圈中人嘅夢想～5年內，已經喺香港開咗5間分店，業務更擴展至新加坡、馬來西亞、澳門等地，一啲都唔簡單～

Photo from vvyeo @Instagram

而Vivian係一個名符其實嘅女強人，唔單止靠自己闖出一翻成就，佢喺想法上亦係非常獨立：「如果找到可以信任和依靠的另一半是一種幸福，但絕對不是現今女士們唯一的出路。我相信靠自己努力賺取的金錢或成就，來得更有意義和實際，不過我亦相信獨立自主不等於不要另一半，反而擁有事業，不用依賴另一半，關係可變得長久和公平。」