寫給每天很努力，卻經常悶悶不樂的你～現在困擾你的事，未來會成為你的人生故事！

By Michelle on 08 May 2019

Digital Editor

人大了，愈嚟愈明白何謂「小時候快樂是一件簡單的事，長大後簡單是一件快樂的事」。雖然工作表現唔錯，收入還過得去，但就唔知點解，除咗出國旅行令你擁有短暫嘅快樂外，心情總係鬱鬱悶悶。慢慢開始明白，夢想同理想，兩者都距離自己好遠，而且愈來愈抽象，比如係賺大錢、擁有幸福人生......你無勇氣同自己講：我做得到。如果你每日都過住好努力嘅生活，但就經常悶悶不樂，或者係時候需要學會「斷、捨、離」同「減少執著地努力」，重拾對生活嘅熱度。

Photo from tracytschu ＠ ig

做人不要太努力

努力工作、努力ot、努力搵錢、努力去旅行，每一日努力堅持到最後一刻先令自己休息。你一直燃燒自己，虛耗自己，其實不知不覺間令你變得疲乏，失去活力。每日都給予自己新目標，同時都需要給予自己休息空間，好好洗滌自己嘅心靈吧～泡一個香氛浴、沖一杯美顏茶、聽音樂、做瑜伽，重點就係抽離工作模式、透過你覺得自在嘅方式，感受生活嘅愉悅，令自己活得像一個不慌不忙嘅女神吧～

Photo from vvyeo @ ig

學會生活「斷、捨、離」

生活中充滿各種各樣嘅資訊，間接造成能量消耗，某位網紅買咗新手袋、朋友去歐遊好開心、有人有外遇鬧離婚......明明跟自己無關痛癢嘅事，你都不經意地留意多咗，對人哋多姿多采嘅生活變得上心。作為聰明女生，唔應該被生活牽引住，而係搵出適合自己嘅生活，去活出自己嘅生活態度～當你希望改變人生方向時，就更應學會斷、捨、離—捨棄長久以來習以為常嘅諗法，你會發現生活上學會棄舊迎新，生活就會重新有新方向。