胡諾言與陳琪嚮往平淡的幸福！愛情保鮮法是最基本卻又最常被忽略的事情～

By Aisa on 08 May 2019

一個追逐夢想的女生，深信未來是屬於相信心中美夢的人。

喺娛樂圈呢個大染缸入面，雖然成日都會出現好多感情醜聞，不過當中亦有唔少夫婦可以抵抗誘惑，保持初衷，多年來依然恩愛～就好似胡諾言同老婆陳琪，兩人同為藝人，相愛16年、結婚10年仍然好似戀愛時一樣甜蜜，原來愛情保鮮嘅方法非常簡單，只係3點最基本卻又最常被忽略嘅事情～

# 為對方著想平淡是福

胡諾言同陳琪兩夫婦，生活好簡單，就好似一般老夫老妻一樣，就算過時過節都唔會要求對方買咩貴重禮物比自己，或者好大陣仗咁慶祝，因為已經有一個家庭，為咗幫老公慳錢，陳琪反而會提出買餸煮飯，如此體貼識諗嘅老婆，令老公都非常安慰～

Photo from jackwu823 @Instagram

通常人嘅痛苦都係來自比較，而胡諾言同陳琪明白咩係平淡是福，知足常樂，唔刻意要求轟烈嘅愛情，反而嚮往踏實而細水長流嘅關係，雖然平凡，卻令生活嘅每個時刻都變得非常特別同珍貴！

Photo from jackwu823 @Instagram

# 無條件支持對方

身為大家一輩子嘅伴侶，除咗會喺適當時候提醒對方嘅過錯外，更會喺任何時候支持對方做啱嘅事情，而陳琪就係胡諾言背後最大嘅支柱，胡諾言平時好鐘意跑步，曾經試過參加馬拉松比實時唔小心受傷，雖然如此但陳琪依然支持老公，鼓勵佢做自己鐘意嘅事～

Photo from jackwu823 @Instagram

# 欣賞對方的優點包容對方的缺點

胡諾言喺同老婆結婚10週年嘅時候寫道：「10年日子話長唔長，話短唔短。能夠學懂包容，談合容易！用上十年時間學習欣賞同時更要接受缺點！多謝妳給我一個溫暖的家！老婆，I love U！」夫妻相處係一門學問，成世人流流長要同另一個人好好相處需要無比包容，同時要懂得欣賞對方，一段感情先可以保持新鮮感～