低調放閃才是王道!5個不噁心情侶裝穿搭技巧,別再穿得一模一樣了~

低調放閃才是王道!5個不噁心情侶裝穿搭技巧,別再穿得一模一樣了~

Fashion
Byjoycecheung on 08 May 2019

情侶不管熱戀期中還是老夫老妻,都總會愛穿情侶裝出街放閃一下~有人話情侶裝係甜蜜嘅象徵,但有時係街上見到有情侶全身上下都著得一模一樣,有時候會覺得有夠噁心,究竟同中學校服有咩分別啊!其實情侶裝只係想滿足一下自己,穿上一樣嘅服裝感覺會變咗生命共同體,唔使襯晒全套咁高調嘅~即刻睇下以下5個情侶裝穿搭技巧,低調放閃冇難度~

Photo from Pinterest

Photo from Pinterest

 

1.同色系穿搭

男女鍾意嘅服裝款式、裁剪或顏色都有分別,如果專登遷就另一半,穿上唔適合自己身形或風格嘅衫,其實有時都幾尷尬~但如果襯同色系嘅衫就唔會有呢個煩惱,選擇大地色、藍、灰、黑呢啲色系就最穩陣~另外唔單止用同一個色系,全身配搭幾個唔同色調都可以好好睇!睇落一致和諧,見到都會覺得好舒服~

Photo from Pinterest

Photo from Pinterest

Photo from Pinterest

 

2.用相同pattern

用pattern做情侶裝主題低調得嚟又唔會乏味,最簡單就係用百搭嘅間條或格仔~但如果怕好易撞衫,可以試下大膽啲嘅波點、腰果花、或者其他復古民族pattern,如果有路人留意到一定會覺得你地好有taste!

Photo from Pinterest

Photo from Pinterest

3.撞色配搭

有時情侶裝唔一定要睇落好和諧,試下大膽撞色系都一樣吸引眼球!穩陣派一樣可以揀「黑白配」,男女上下穿搭嘅顏色相間,睇落去都會比人覺得好有心思~大膽潮人可以試下用鮮豔啲嘅顏色,例如橙配紫、紅配綠,著出街回頭率一定極高!

 

Photo from Pinterest

Photo from Pinterest

Photo from Pinterest

 

4.相同款式外套

外套好多時都會變成全身穿搭嘅重點,想百搭就當然唔少得經典嘅牛仔褸~想走知性復古風可以試下格仔西裝褸,如果想走型格路線可以試下皮褸~物料選擇相同,但款式唔一定要一樣,選擇返自己喜歡嘅就可以~!

Photo from Pinterest

Photo from Pinterest

Photo from Pinterest

5.從配件著手

正所謂有咁低調得咁低調,其實情侶裝唔一定要由上下身入手嘅,選擇一樣嘅飾物配件,例如帽子、皮帶、同顏色嘅襪、相同風格嘅鞋,出到嚟都一樣好吸引眼球,而且俾人感覺穿搭得更有心機啊~!

Photo from Pinterest

Photo from Pinterest

 

Text:TopBeauty Editorial

Photo source:Pinterest

 

 


Share to Facebook