碧咸與Victoria不完美的愛情故事,走過婚姻低潮後堅守愛情,「低潮和困難都是婚姻的一部分」

碧咸與Victoria不完美的愛情故事,走過婚姻低潮後堅守愛情,「低潮和困難都是婚姻的一部分」

Love Relationship
By joycecheung on 09 May 2019

萬人迷碧咸和老婆Victoria係圈內出名恩愛纏綿,育有三子一女嘅佢地擁有一個幸福美滿嘅家庭,不時係社交平台分享溫馨家庭照,模範家庭令人羨幕不已~但原來美滿婚姻得來不易,由拍拖到結婚感情一直不被外界看好,更屢傳婚變消息,直至結婚17年來經歷唔少婚姻低潮。二人並冇放棄多年感情,攜手修補當中裂痕~直至今年7月將會係佢地結婚20週年,讓我地回顧一下佢地童話式愛情故事,細看佢地點樣面對婚姻中最艱難嘅時刻~

Photo from ig @ victoriabeckham

Photo from ig @ victoriabeckham

碧咸與Victoria嘅愛情故事要回到1996年講起~碧咸當年正身處格魯吉亞參加世界盃預賽,佢夜晚係酒店打開電視,咁啱電視正在播出有Victoria在內嘅女子組合「Spice Girls」名曲「Say You'll Be There」嘅MV,見到身穿黑色緊身衣嘅Victoria係沙漠中起舞,碧咸眼前一亮,目光一直離唔開Victoria~更加向同房嘅隊員講:「我今晚一定要見到佢。」

Photo from ig @ davidbeckham

Photo from Pinterest

碧咸最後未得償所願,直到一個月後二人再次係公開場合再會,碧咸當然立即把握機會,最後終於得到有Victoria電話號碼嘅小字條~碧咸形容字條係佢一生中嘅寶藏,直到而家仍然好好珍藏著,「那天回家後,我把號碼寫在數張紙條上,放在屋內每個角落,以免弄失。」

Photo from ig @ victoriabeckham

終於到第一次約會,碧咸帶Victoria去一間好少客人嘅中菜館約會,二人情投意合,傾到餐館關門都唔願意告別~期後Victoria要去美國參加巡迴演唱,二人要暫別一段時間,碧咸立即暖男上身,每次Victoria轉酒店都會送上一大束花俾佢,加上每日送上一枝紅玫瑰,難怪得到美人芳心~拍拖期間二人不時要分隔兩地,碧咸為咗能見多Victoria一面,試過專程飛往美國係候機室相聚一小時,再獨自飛返英國;更經常飛到Victoria表演嘅地方陪伴左右,只要能夠相聚,碧咸不介意一切,碧咸更形容當年二人初吻「那晚就像全年夢想成真。」真係好似王子與公主嘅愛情故事一樣咁浪漫啊~

Photo from ig @ davidbeckham

Photo from ig @ davidbeckham

兩年多後二人終於係愛爾蘭古堡進行婚禮~當年婚禮上碧咸和Victoria都感動流淚,終於堂堂正正結成夫妻~Victoria先後為碧咸誕下三子一女,專心養育子女之餘更積極發展個人時裝品牌,成為能幹嘅職業媽媽~!但幸福嘅生活直到2004年出現裂痕,碧咸被傳媒揭發和助手有染,相隔僅一星期,又被傳媒影到和澳洲女模特兒深夜外出。面對種種指控,夫妻雖然並冇作出正面回應,但丈夫一夜間成為全城熱話,身為妻子心情當然唔好受,成為婚姻中最艱難嘅時刻。但內心強大嘅Victoria好快就走出陰影,曾講過:「我沒有流過一滴眼淚,我始終相信David(碧咸)。」Victoria比誰都了解自己丈夫,而佢亦清楚家庭破裂會對孩子帶嚟陰影,所以佢選擇俾丈夫、和自己一次重新開始嘅機會~Victoria多年後曾解釋:「我讓David成為最好的人,David也讓我成為最好的人。我們兩個是共同體,比我們單獨一個人會更好。」

Photo from Pinterest

Photo from ig @ davidbeckham

碧咸係兩年前接受電台訪問,坦承當年的確犯咗唔少錯,但佢認為婚姻並唔容易,重點係點樣走過一個又一個難關「低潮和困難都是婚姻的一部分,我們會以家庭為單位一同度過。」碧咸更大爆二人結婚多年後曾「二度結婚」,重新訂下結婚誓言,形式非常私隱,係只有6個人嘅家中進行~一個有經歷嘅男人的要剖白婚姻的確唔容易,二人係經歷風雨後重新開始,重新認定對方為終身伴侶~

Photo from ig @ victoriabeckham

Photo from ig @ victoriabeckham

碧咸與老婆上星期係IG上載溫馨家庭照,Victoria和4個子女為碧咸慶祝44歲生日,溫馨滿瀉~!其實係對的時間遇上對的人實屬難得,Victoria一直成為丈夫最強大後盾,碧咸亦一直支持老婆事業嘅發展,碧咸說過:「很幸運遇上和自己擁有相同堅持和目標的人,感謝你作為4名孩子的好媽媽。」相信佢地會一日比一日幸福,將甜蜜美滿嘅愛情故事一直延續下去~

Photo from ig @ victoriabeckham

Photo from ig @ davidbeckham

 

Text:TopBeauty Editorial

Photo source:Instagram

 

 

 

 

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK