細數張孝全4個魅力之處—男神自信但不自戀、有大男人主義又不失浪漫情操！

By Michelle on 10 May 2019

Digital Editor

台灣國民男神張孝全鮮有提及自己嘅感情事，日前就被台灣傳媒報道原來男神一早已婚，對象係圈外人，更為張孝全誕下一子，意味住張孝全唔單止係人夫，仲已為人父喇～張孝全嘅經理人亦都證實此事，又表示張孝全好開心。消息震驚中港台三地，各位張師拉、張太們呢刻難免會有種忑忐嘅感覺：「點解新娘子不是我~」

Photo from from Weibo

36歲嘅張孝全之所以俘虜萬千女士，不外乎其超班個人魅力，細數張孝全三個魅力之處，各位張太有想到更多嗎？

Photo from from Weibo

#1 陽光男

張孝全黝黑嘅外形，加上「剛剛好」嘅肌肉，畀到人一種陽光男孩印象。男生最重要就係識得一、兩種運動，張孝全熱愛跑步、滑浪，外向嘅性格令佢散發住陣陣嘅男人味～

Photo from from Weibo

#2 自信但不自戀

做人最緊要有自信，但過份自信又會變得自大，呢一點，張孝全拿捏得非常好—有自信但唔自戀，會為宣傳影出型男風格嘅相片，但私底下就甚少自拍，似乎與生俱來就有一種孤獨深沉嘅特質，不過份張揚但又確實存在。

Photo from from Weibo

＃3 大男人的浪漫

張孝全講過，佢嘅個性比較「傳統」，有啲「大男人」，但面對愛情，佢直言自己為人浪漫，會對另一半盡量體貼，但就唔會時時刻刻都咁溫柔。比如有記者曾經問佢有無跟女朋友著過「情侶裝」，佢就表示著情侶裝好怪，會覺得唔好意思。顯而易見，張孝全並唔會因為想討好女朋友，而做出過份「奴性」嘅行為。呢一種男士既有作為男人嘅宗旨，又不會過份大男人主義，而失去對女伴嘅關懷，浪漫得嚟又唔會太無底線，成熟男人本應如此！