「我要準時下班」6大秘訣！別讓工作白做～學懂讓你工作效率倍增！乾淨企理是重點～

吉高由里子主演嘅日劇《我要準時下班》一開播就獲得唔少好評，皆因劇中要準時收工嘅理論導出唔少打工仔嘅心聲～！係今個星期二播出嘅第四集中，堅持每日都準時收工嘅女主角東山結衣就講述如何加快工作效率嘅3個秘訣！小編整理出另外3個重點，唔想每日係公司白白浪費青春，搞到「有返工冇放工」，記得要mark實啦！

Photo from Pinterest

《我要準時下班》女主角提出的3大要訣：

1.整理辦公桌

據說係辦公桌搵需要用嘅野，一年要花150個小時！如果桌面好亂只會浪費更多時間～辦公桌應該保持乾淨簡潔，只留下需要用嘅物品～裝飾品唔係唔可以擺，但切忌過多影響工作～！

Photo from 電視劇照

2.列出每日「to do list」

日劇中女主角會將每日需要做嘅工作寫係memo紙條上，然後分開3部份貼係當眼處，分別係「未完成」、「進行中」和「已完成」，每次都可以一眼看得出自己手頭上仲有幾多工作，方便自己整理思路～另外要注意工作優先順序，緊急嘅要先完成，最後留下唔緊急嘅工作，如果到達放工時間就可以留待第二日完成～

Photo from 電視劇照

3.設定好每項工作所需時間

先預設每項工作所需時間，然後集中精神要係指定時間內完成，日劇中女主角更加會設置鬧鐘，知道自己快咗／慢咗幾多！俾一點少壓力自己，做起事上嚟會更有效率以及更得心應手～

Photo from 電視劇照

小編整理出另外3個要訣：

1.注意水杯種類及擺放位置

相信唔少人都見過同事係辦公桌唔小心倒瀉水杯，唔單止有機會弄濕重要文件，如果令電腦壞咗真係要哭出來！有時唔係一時三刻可以換到電腦，整幾整可能已經過咗半日，到時唔想OT都唔得！水杯最好用有蓋唔易倒瀉的～另外都唔好放太近電腦，為咗要準時收工，要避免一切阻礙收工嘅風險～！

Photo from 電視劇照

2.忙碌中也要讓自己唞唞氣

每完成一項工作後可以俾自己take個break，喝杯茶、或吃個小點心，趕收工之餘都要俾自己放鬆下，可以增加之後嘅工作效率，更加事半功倍～

Photo from 電視劇照

3.下班後安排節目

好多人慢條斯理工作係因為放工冇節目，就算OT都冇所謂～但其實唔可以俾工作佔有人生！趁後生要多嘗試唔同嘅事物，尋找自己嘅興趣，試下放工報下興趣班、或者係約朋友食個飯，令自己更期待收工～！

Photo from 電視劇照

Text：TopBeauty Editorial

Photo source：Pinterest