愛情事業兩豐收！37歲陳法拉下嫁相戀3年的法藉男友，才女隻身到美國讀碩士成功開拓新人生～！

有傳陳法拉即將與拍拖3年嘅法藉男友 Emmanuel Straschnov 今個禮拜六於法國一莊園低調舉行浪漫婚禮，兩人只邀請咗關係親密嘅親朋好友出席，不欲大肆舖張～男友曾喺哈佛商學院攻讀過MBA課程，與同為才女嘅法拉非常相襯，真係恭喜晒！

法拉05年憑奪得華裔小姐亞軍而入行，曾與Neway太子爺薛世恆有過一段短暫嘅婚姻，前夫坐擁十億家產，法拉可以話係不愁生活，大可以連電視劇都唔拍，一心一意做個生活無憂嘅名媛。兩夫婦後來因為未能為家庭同演藝事業中達成共識，而法拉最後選擇忠於自己，放棄安逸嘅物質生活，一個女生離鄉別井到美國追夢。

一切於香港所建立嘅事業，一時間要完全放手，要揹上香港觀眾會慢慢淡忘自己，人氣大不如前嘅代價，為嘅只係一個追夢嘅機會，然而成功與否，當時無人會預計得到。

離婚後，薛世恆表示同法拉仍係好朋友，而法拉亦專注於演藝事業，鮮有傳出緋聞。2014年佢回歸學生生活，到美國紐約著名學府 Juilliard School（茱莉亞學院）進修為期4年嘅戲劇碩士課程。

2016遇到同於紐約工作嘅法藉男友 Emmanuel Straschnov，兩人一見鍾情並隨即熱戀。

Emmanuel Straschnov畢業於哈佛大學，曾擔任法國駐日本外交官，分析中國及日本金融行情、更做過Prada美國CEO特別助理，完全稱得上係才華橫溢。

法拉曾經講過，跟男朋友傾得埋，總有無盡話題，而自己能夠順利畢業，都歸功男朋友在旁一直支持同扶持佢，令佢追夢過程中並不至於弧軍作戰。法拉更表示自己非常鍾意小朋友，會計劃生兒育女。

修讀完戲劇碩士嘅法拉已經打入外國市場，為HBO拍攝新劇《The Undoing》，拍檔位位星光熠熠。常說「人生如戲、戲如人生」其實一啲都無錯，大概4年前佢都無諗過會同國際巨星如妮歌潔曼等同框演出吧～

願意踏出舒適圈，令法拉如今事業愛情兩兼得，佢嘅生活態度絕對我地學習啊～！

Text：TopBeauty Editorial

Photo source：IG