90後癲喪麻甩痴女DJ阿正的背後 —「學懂抽離繁碌,發掘新創作給聽眾!」

90後癲喪麻甩痴女DJ阿正的背後 —「學懂抽離繁碌,發掘新創作給聽眾!」

女生誌
ByMichelleon10 May 2019Digital Editor

大家現在還會聽收音機嗎?90後的阿正(黃正宜),因為兒時喜愛聽收音機,夢想立志要成為一位DJ。大學修讀傳理系,畢業後到數碼電台工作,隨後遇上急急子,波折重重終於在商台成為了一名DJ,與她的偶像一起做節目。若聽過她的節目,會被她在《早!junior》的朝氣勃勃、《早霸王》中的識貨之人的傻大姐性格及《一位呀唔該》的癲喪痴女所吸引,但在癲喪麻甩痴女的背後,她不斷為着自己的夢想努力,為聽眾帶來新的題材!

天性樂觀嘅阿正,自嘲自己「癲喪」、「麻甩」、「痴女」集於一身。小時候有聽收音機電台節目習慣,《架勢堂》 、《森美移動》屬於佢嘅童年快樂。一班DJ嘅笑聲令阿正長大後都希望可以將快樂傳開去,感染更多人。要將樂天性格發揮到工作層面,又何止「天性樂觀」咁簡單~

電台工作之辛酸,「比我想像中繁忙一萬倍」係阿正投身大氣電波工作後嘅領會。早出晚歸有如跟外界隔絕,兩個鐘頭嘅節目,準備工作繁如星數—剪接、度橋、約訪問,完美展現傳媒人「周身刀、張張利」。

實現做DJ夢想嘅背後,更多係發現到自己力有不逮嘅時刻。森美主動邀請阿正負責《早霸王—識貨之人》,要跟金牌主持做拍檔,以往只由大氣電波中接收內容,如今成為自己發揮創意嘅小天地,難免會有怯懦,亦少不免會有犯錯。「畀人鬧當然會受挫,但傷心過後,有無嘢袋到落袋先係重點。」癲喪形象背後,阿正一本正經勉勵自己—從失敗經驗中有所得著,令失敗變得有意義,成為寶貴嘅一課。

正因如此積極樂觀的性格,阿正開始有更多發揮機會,有個人節目《一位呀唔該》,「其實《一位呀唔該》喺上年情人節成立嘅Facebook專頁,因為當時我嘅結他阿sir放我飛機,咁我一條友冇嘢做,就諗不如挑戰自己一個去食情人節套餐啦,為咗紀念呢件事就成立呢個page,咁好好彩喺上年年尾變成一個電台節目。」

《一位呀唔該》顧名思義是一個人去做挑戰,看似是一個單身狗的悲歌,但阿正表示反而是學習如享受自己的me time,「因為呢個page,我做咗好多一個人的挑戰,例如去唱K,反而學識去享受屬於自己的時間,甚至喺一段關係中,雙方都可以有各自的私人空間。」問及阿正未來會挑戰甚麼,她豪不猶豫說:「一個人著婚紗!本身諗住喺節目最後一集先挑戰著婚紗,因為之前有喺其他訪問提過,之後好快有婚紗公司聯絡我,佢哋好熱心話可以幫助我實現呢個挑戰。(你玩到咁大,咁遲啲最尾一集點算?)未諗到呀,可能最後一集會挑戰一個人擺酒,順便搞個fans meeting,不過有人嚟先算啦~」放心,筆者會第一個拉大隊支持你!

為咗推動自己繼續進步,阿正不忘以自身經驗寄語都市人—學會抽離繁忙工作,感受生活,為自己注入力量。當人累得剩下軀殼時,就會失去創作靈感。呢一刻感覺累了,何不歇一會,再重新出發?

相關影片:

Text:TopBeauty Editorial

Photo source:TopBeauty Editorial


Share to Facebook