網購成癮5大特徵！如果全中代表你可能是病態～買到不能自拔的你要留意！

今日今時購物好多人都會選擇網購，唔駛出街之餘仲送到上門，真係好方便！但有時可能太方便，好容易愈買愈多，甚至控制唔到自己嘅購物慾望，最後網購成癮！唔好以為呢件事距離自己好遙遠，其實經常網購嘅你我可能已經中咗招，後來仲可以好嚴重！以下5大網購上癮特徵，即刻睇下自己中咗幾多個～！

Photo from Pinterest

1.會用超過實際擁有的錢去購買不需要的東西

網購方便係因爲可以用各種支付方式，用信用卡甚至可以遲還卡數「先洗未來錢」，而且好多時洗多咗都唔覺～！當你買嘢買到冇足夠還卡數，每月都向身邊嘅人借錢或者「卡冚卡」去還錢，每月花大量金錢買下一大堆從未用過嘅東西，證明你已經泥足深陷！試下調整一下信用卡每月消費限額，規定每個月嘅洗費～

Photo from Pinterest

2.會因購物而出現情緒波動和困擾

網購經常都會出現「限時優惠」吸引消費者購買，有時搶唔到到最後難免都會有啲失望！但如果因爲購物而令到你情緒有極大波動，經常覺得煩厭和暴躁，甚至對身邊嘅人或日常生活造成影響，網購有可能對你造成一定負面影響了～！

Photo from Pinterest

3.有空閒時間只會去看網購平台，幾乎佔據工作以外所有時間

網購商品五花八門，有時睇一日都未必睇得哂！相信唔少人都試過睇網購平台睇到不能自拔嘅地步，明明雙眼已經好疲累，但完全停不下來～如果網購佔據咗你成個腦袋，除咗網購其他事情都唔想做，你可能需要尋求幫助了！

Photo from Pinterest

4.每次購物後會有快感，但好快會後悔

每個女人都試過「唔買心癢，買了後悔」嘅狀態，其實好多時唔係真正鍾意件產品，而係想享受購買時候嘅快感！當興奮開箱過後，東西就會掉去一邊變為垃圾，而且心中充滿罪惡感～早知今日，何必當初呢？

Photo from Pinterest

5.因爲瘋狂網購損害了和家人及朋友的感情

你可能覺得網購可以消除壓力，但如果因為過份網購令周遭嘅人擔心你，而且每次同佢地講關於網購嘅話題都會變成爭吵，網購其實已經成為咗你其中一個壓力來源！世界上冇嘢緊要得過家人同朋友，購物嘅滿足感絕對大唔過佢地對你嘅愛啊～

Photo from Pinterest

你又中咗幾多樣？如果全中代表你可能真係網購成癮，有可能需要接受專業治療！如果因為網購感到困擾的話可以多向身邊嘅人詢問意見～慾望永遠係邪惡的，只有潔身自愛先能夠有更美好嘅生活～

Text：TopBeauty Editorial

Photo source：Pinterest