工程系畢業卻走上時裝造型路～理科知識令作品別樹一格「做styling不單止識襯衫咁簡單！」

By Michelle on 10 May 2019

Digital Editor

Life is short, don't be lazy . Be your own idol to enjoy every moment !

曾為李玟、Ali等藝人設計造型的Sarona，原來最初並非以造型設計為目標！而她對造型設計的看法，亦因此與其他造型師有所不同～對她而言，做造形設計除了要襯好衫外，更希望告訴大眾服裝是有生命的，「其實服裝唔需要經常去更換，可以利用造型，用一件衫配襯出各種感覺。同時更希望推介質量好嘅服裝同品牌畀大眾認識，宣揚其品牌故事服裝理念之類，令可以珍惜佢哋嘅每一件衫，減少造成地球浪費。」當大家都追求質量好的服裝，變相鼓勵設計師造出更好品質的系列。

Photo from From TopBeauty Editorial

工程系出身嘅Sarona，流露著一種淡雅氣質，卻不失硬朗氣派。作為工程系本科生，Sarona並無按照原先計劃就業藍圖，由一個有工程系專業資格嘅白領，以白紙般姿勢投身時裝造型行業。如此放手一博，或者喺大部份人眼中都係「不智之舉」，但Sarona卻淡然地道：「唔想放棄自己鍾意嘅興趣。」

Photo from From TopBeauty Editorial

「我原本是修讀工程系，因為家人希望我可以修讀有前途嘅科目，所以我喺英國讀大學嗰陣就冇揀到自己鍾意嘅藝術系，不過之後都有偷偷副修同設計相關嘅科目。」Sarona自小已有扮靚天份，她自信滿滿分享兒時趣事，指從小開始已幫身邊的家人及朋友扮靚，「媽媽叫我幫她電頭髮，叫當時只有幾歲嘅小妹妹將頭髮分層係一件相當困難嘅事，唔知點解我身邊啲朋友，當要去party或者出席隆重場合時，都會叫我幫手襯衫及化妝。」

Photo from From TopBeauty Editorial

逐漸萌生往設計及造型方向發展的念頭。畢業後Sarona並沒有立刻實踐自己的理想，反而因應父母的意願，到了一間市場營銷公司工作了二年，「算叫做畀個交代父母，兩年之後我就辭職，決定向我的夢想進發，因為未試過我唔想放棄自己的興趣，唔想有後悔的機會，所以踏出第一步去嘗試。」

Photo from From TopBeauty Editorial

入行年資短、起步遲，Sarona從來無覺得自己輸在起跑線上，更比其他人加倍努力，她在一間日本婚紗公司由零開始學起，「嗰時要學造衫、同客溝通啲設計等等，認識多咗各種布料的等特性及造衫後嘅效果。」除此之外，Sarona會不時向裁縫師傅請教，採訪當日，Sarona帶了我們到她經常拜訪的裁縫店進行拍，「我打搞咗戴師傅好多年啦，喺佢身上除咗學到好多剪裁技巧外，同時學習到做人的道理。」

Photo from From TopBeauty Editorial

Sarona亦感恩工程學科所給予自己嘅知識，「工程學科令我嘅睇法有所不同，會思考更多跳出框架嘅想法。」一貫工程系人擁有心思細密嘅頭腦，Sarona唔單止處事細心，佢更深明機會只會留畀有準備嘅人，為咗將勤補拙，Sarona加倍努力接觸唔同嘅布料，瞭解各種布料造衫嘅效果，又報讀設計課程以獲得專業資格，為夢想與理想全速前進。

Photo from 圖片由受訪者提供

在婚紗公司工作的過程中，令Sarona有更多接觸styling及造衫的工作，機緣巧合下，得到身邊不少朋友的幫助，令她進入stylist的行列。入行8年期間，她做過不同造型設計項目，包括演唱會、舞台劇、廣告、藝人造型及時裝表演等，「做styling嘅工作經常會遇到突發事情發生，試過有model着好件衫，然後一個深呼吸，條拉錬竟然爆咗，但又要趕住出場，立即用針線縫補，雖然每次工作要應付大量突發事情，又要趕頭趕命，但當每次完show之後，成班model衝過嚟同我講thank you sarona！我就覺得呢一切都值得。」

Photo from From TopBeauty Editorial

相信大部分人覺得做stylist的工作，只是襯襯衣服，幫人扮扮靚而已，實際上stylist的工作由前期籌備、搜集資料到真正on show，過程極之繁複，「做styling唔單止襯衫咁簡單，要懂得顧及穿衣者的心理狀況，因為不是人人都對自己有自信，或者對新造型的不習慣，所以我哋有責任令佢哋有信心及信任我們。」