喜歡看《哈利波特》的都是善良人～研究：哈利迷同理心高、性格寬容、愛包容差異。

「去去！武器走！」有睇過《哈利波特》電影或者小說嘅朋友仔應該對呢句說話唔陌生，仲記得當年仲係小學生嘅小編（間接自爆年紀）真係有期待過有貓頭鷹飛到我屋企；又相信世上某角落真有霍格華茲魔法學院存在（笑）一幕幕童年回憶除咗擴闊我哋對魔法世界嘅想像外，你知道有研究指出，熱愛《哈利波特》故事嘅人性格更善良，仲富有同理心呢～

外國University of Modena and Reggio Emilia團隊喺 Journal of Applied Social Psychology 發表嘅研究指出，鍾意睇《哈利波特》嘅人會更有同理心，容易去接納跟自己唔一樣、被忽視或邊緣化嘅人。

研究其中一部分係搵咗117位意大利高中生，發現有睇《哈利波特》嘅學生，對同性戀議題出現更接納嘅態度。其次又搵咗71位英國大學生，發現當中唔認同佛地魔（角色定位係在意血統）嘅人，會對難民議題持有更開放、正面嘅態度。

意想不到啊～《哈利波特》迷對於備受爭議嘅敏感議題抱有如此大嘅包容性以及同理心。完全合乎作者J.K. 羅琳希望透過《哈利波特》宣揚寬容、善良同接納嘅人生觀，各位「波特迷」，你哋又覺得自己係咪善良之星呢～？！

Text：TopBeauty Editorial

Photo Source：pinterest