夏天就是要露出雙肩！5個露肩裝穿搭小技巧～這個身型的人要慎選！

露肩裝可以話係不死時裝，流行咗咁多年仍然可以成為時尚指標～露肩裝唔會俾人感覺太暴露，又可以強調女性性感嘅雙肩，一穿上立即成為女神～！但原來唔係每個女仔都適合著露肩裝，有啲身型穿著露肩裝只會自暴其短！想著露肩裝性感得嚟又時尚？要留意以下5個穿搭小技巧了～！

Photo from Pinterest

1.溜肩女生注意！切勿穿一字型露肩裝

溜肩即係肩部向下垂，無論身型幾瘦都好，著咩都會好似「撐唔起件衫」，一字型露肩裝更加係溜肩女生嘅大忌！露出大面積嘅肩膊只會更強調溜肩，完全展露自己嘅缺憾！溜肩女生可以選擇粗肩帶露肩裝、或者不對稱露肩裝修飾身型，整體感覺會更順眼～

Photo from Pinterest

2.微胖穿露肩連身裙很容易變孕婦，一個設計可以改變！

微胖女絕對可以駕馭露肩裝，但要留意著露肩連身裙千祈唔好選擇直身款！一定要選擇中間有收腰的，收腰款絕對比直身款顯瘦，而且直身款完全遮蓋身型，好容易會變成孕婦！

Photo from Pinterest

3.露肩裝是豐滿女生的恩物～

有女生埋怨自己冇身材，但其實身材太好都會有煩惱，好易令身型望落顯肥！選擇有荷葉邊設計嘅露肩裝唔單止可以修飾胸部，仲可以修飾肩膊，望落都會瘦啲！

Photo from Pinterest

4.圖案切忌過於花巧！

露肩裝原本已經好有設計感，除非你有模特兒身材，否則唔好選擇設計太過花巧嘅露肩裝，容易顯肥又誇張，好容易變咗跳舞大媽！選擇素色系列就最穩陣，想特別少少可以揀蕾絲或縷空設計，直間條更加會拉長成個人，感覺身型更修長～！

Photo from Pinterest

5.今年最流行露單肩裝～！

唔一定要露雙肩嘅，可以試試今年流行嘅露單肩裝，視覺上肩膊會更窄，而且感覺更有設計感、更有女人味！

Photo from Pinterest

Text：TopBeauty Editorial

Photo source：Pinterest