煲劇可以令人更健康！研究：常睇劇的人更聰明、社交能力更高～

煲劇早已成為時下男女老少嘅共同興趣，有人覺得煲劇可以幫助減壓，但亦有人覺得呢樣活動浪費時間。不過最近外國竟有研究指出，煲劇可以令人變聰明，比無煲劇嘅人更醒，各位煲劇迷又多個借口盡情睇劇啦！

Photo from Pinterest

多國學術期刊 Psychology of Aesthetics, Creativity and the Art 對煲劇嘅人作出研究，研究人員將觀察對象分成兩組，安排A組睇電視劇：《The West Wing》、《Mad Men》同埋《The Good Wife》，而B組就被安排睇生態紀錄片《Shark Week》，再將兩組人填寫人物表情同埋心理活動，以及智力測驗。

Photo from Pinterest

最後發現A組嘅觀察對象喺兩項測試中都取得較佳嘅成績，喺填寫人物表情同埋心理活動中，A組顯示出較B組更大嘅同理心同同情心，而喺智力測驗中，亦較B組明顯更好嘅成績。

Photo from Pinterest

至於當中嘅原因，研究指大家喺煲劇嘅過程中，不知不覺會推測劇情，因此能夠促進腦部思考，重複作出推斷會增強批判能力，久而久之會變得更聰明。

Photo from Pinterest

另外，研究又指因為 劇集為咗突顯角色情緒同性格，會運用好多特寫鏡頭拍攝，當觀眾長時間觀看，就會更懂得分辯其他人嘅情緒，所以經常煲劇嘅人更能察言觀色，擁有更好嘅社交能力。

Photo from Pinterest

相信你身邊嘅人或者你自己本身，都可能係一個煲劇迷～煲劇除咗有以上嘅好處之外，唔少劇集都會以真實歷史、科學、藝術為故事背景，當中可以帶比我地唔少平時好少接觸到嘅知識，咁健康嘅活動，你點可以唔支持呢？

Photo from Pinterest

Photo Source：Pinterest

Source：rsvplive , state