每一次剪髮都需要無比勇氣！只有女生才懂的美容糾結時刻，出錯無得回頭，賠了錢又輸了一次機會！

By Maggie on 24 May 2019

Digital Editor

啲人成日話女人錢最易賺，諗深一層，依番說話好似又好有道理～先唔講添置衣物依一點，好多時女生都會定期整指甲、做facial、修眉等等。看似小事一樁，但其實都要花上好幾個鐘，如果整衰咗又無得馬上復原，只好等待下一次重新機會，可以話賠了錢，又輸了一次機會！

#剪頭髮

長頭髮嘅女生好多時都唔會好似短頭髮女生咁，要定期修剪頭髮。但每一次去剪頭髮都需要無比嘅勇氣！經驗之談，大多數時間剪完頭髮都係愁眉苦臉咁離開，不是長度剪得比預期嘅多，就係直頭剪衰咗！通常最易出事都係頭頂嘅劉海或斜陰，返到屋企點整都係救唔返，只好等待頭髮再次生長。經過多次嘅出錯，當上你無數次白老鼠嘅情況下，最後先會搵到個好些嘅髮型師！

Photo from pinterest

#修眉

學生時期，女生們都無太多零用錢。要修眉好多時都要麻煩媽媽、家姐、細妹幫手或自行修眉。人大了，偶爾都會花點錢到外面專櫃購買修眉服務。相比之下，就會發現都係只有自己修嘅眉毛最順眼，因為只有自己先清楚知道自己面型襯一條怎麼樣嘅眉毛。有時外面嘅修眉服務甚至會修壞了自己嘅眉毛，對於眉毛生長速度慢嘅女生來說簡直係一場惡夢！假如無一個固定嘅修眉毛師，每一次嘅修眉都係一場充滿風險嘅賭博！

Photo from pinterest

#facial

做facial相比起只塗護膚品嘅保濕效果更顯著。做facial就最怕遇上對方瘋狂sell妳，又唔俾妳走！曾有朋友分享，喺好朋友嘅介紹下，購買了美容套票，但因地段遠，難得放假都唔想去了！即使一開始有恆心，但日子耐了還是輸比懶惰二字！

Photo from pinterest

#手甲

手甲都係女生愛關注嘅細節位，除左會於家中自行塗甲油外，有部分嘅女生都會外出整手甲。手甲都算低風險嘅一環，因為大家都可以先自行選擇款式。但再熟手嘅師父，都會做到同圖片有偏差，無絕對嘅一模一樣！做完唔鐘意？可以拆甲再整，但眾所周知，每整一次手甲都好傷甲面，又有邊個會咁拆完馬上再整呢？唯有望著不稱心嘅指甲一個月吧！