登上國際舞台！ G.E.M.罕有曬造型師富二代男友攬腰照，粉絲興奮留言：很有夫妻臉！

By Michelle on 08 Nov 2018

Digital Editor

16歲就已經早早出道，現年27歲嘅G.E.M. (鄧紫棋) 歌喉備受肯定，但因為高行作風高調大膽，近年負面新聞多多，仲畀網民起埋花名—「宇宙巨G.E.M.」，以恥笑佢2014年曾自言會擔任亞洲首位華人形象大使搭飛船漫遊太空（至今仍未出發）嘅出位言論。今次G.E.M.真係「登陸」美國太空總署（NASA）！被獲邀到 NASA 嘅「科學突破獎」頒獎禮中獻唱個人創作歌曲，年紀輕輕有如此成就，確實係好威水～

Photo from gem0816 ＠ ig

即使見慣大場面，G.E.M.今次表現更顯興奮，連日嚟都上載跟國際級明星嘅集郵照，十足十個小粉絲一樣～日前佢更首次大曬跟熱戀中嘅造型師男友Mark嘅合照，令G.E.M.嘅粉絲都覺得驚喜！

Photo from Mark Zuckerberg

身穿平口白色禮服G.E.M. 身型明顯清減咗，即使嘅裙款係大露手臂嘅設計，G.E.M.都完全hold 得住，手臀零贅肉，必定係近日密密做gym嘅成果了～

Photo from gem0816 ＠ ig

以往不時因為造型太「騎喱」而畀人笑「得罪造型師」嘅G.E.M.，今次呢身造型係男友操刀即刻無失手！

Photo from from Sina

Mark輕攬對方纖腰，「黑白配」嘅配搭真係閃到盲！G.E.M.更留言：「最後一張～Styled by @markymark.23 #lastbutnotleast（最後但同樣重要的人）」講到咁明顯，男朋友都唔示弱，喺個人社交平台上上載多張「男友視覺相」，網民今次嘅留言都大讚G.E.M.嘅造型靚，Mark果然令做得嘢！

Photo from gem0816 ＠ ig

作為壓軸演出嘅G.E.M.唱出電影《太空潛航者》中文主題曲《光年之外》，呢首歌都係G.E.M.自己嘅原創中文曲，能夠將華語歌曲帶到國際舞台，絕對是揚威國際啊！而且當晚來賓陣容都係星光熠熠，包括「奧斯卡影帝」Eddie Redmayne、Orlando Bloom、Zoe Saldana等等，但表演嘉賽只有美國歌王Lionel Richie同G.E.M.！

Photo from from Youtube

Photo from gem0816 ＠ ig

G.E.M.出道11年，鍾情音樂創作一直畀到唔少驚喜樂迷，近年淡出香港市場，主力發展內地市場，喺大中華圈中人氣破表。今次G.E.M.出席國際活動，開腔自介時表示「I am from Hong Kong. 」(我來自香港) ，有唔少網民都覺得好驚喜，G.E.M.終於番嚟了！而G.E.M. 亦於個人社交平台上寫到：「這次能在BreakThrough Prize的舞台上表演自己的原創中文歌，實在有著很大的意義。我覺得這象徵了交融，我也很開心能成為一座橋樑。音樂沒有界限，人類文明的共同前進也沒有界限。」