桃花依舊，人面全非？那些年，感動過我們的螢幕情侶！7對合作無間的「戀人」，那一對才是你心中的經典？

By Michelle on 12 Nov 2018

Digital Editor

Life is short, don't be lazy . Be your own idol to enjoy every moment !

TVB劇集雖然千篇一律，多數都係以愛情為主線，有人會覺得睇得多都悶。話雖如此，TVB創造了唔少經典螢幕情侶，鏡頭面前永遠一拍即合甚有默契，令觀眾情不自禁希望佢哋戲假情真，喺現實中都可以一齊拍拖，以下邊一對螢幕情侶曾經感動過你，令你希望佢哋有大團圓結局，高呼「在一起！」

Photo from from TVB

＃1 方力申、鄧麗欣

葉念琛嘅戲，真係陪住80後、90後成長。有葉念琛，就會有方力申同鄧麗欣，兩個人合作過《獨家試愛》、《十分愛》、《我的最愛》、《紀念日》等電影，戲假情真拍拖近10年，喺無第三者介入下，最終分手收場。Stephy 曾經寫到「成全對方找到更合適的，成全對方找到另一個自己。」呢一對金童玉女縱然跑了一場愛情長跑，但未能修成正果，令到唔少粉絲大感可惜。

Photo from from Tvb

＃2 馬國明、唐詩詠

馬國明同唐詩詠於2009年拍攝《鐵馬尋橋》成為契兄妹，認識多年亦扮演過數次螢幕情侶，馬明唔止一次暗示唐詩詠係好女仔，唔排除有發展機會。不過經歷種種後，馬明而家同黃心穎正打得火熱，而身為絕世好仔嘅佢，相信都會對曾經嘅緋聞對象更加識避嫌了。

Photo from natalietong53 ＠ ig

＃3 洪永城、黃翠如

洪永城同黃翠如呢對組合，似係歡樂怨家對過甜蜜情侶，二人都係出身「有線」，過檔無綫後，再一齊主持《走過浮華大地》，你串我我串你嘅形象深入民心。合作拍過《愛我請留言》、《我瞞結婚了》嘅佢哋一早建立深厚默契。2015年，洪永城同黃翠如一黑一白拖手仔行紅地氈一幕，男嘅一臉風光，女嘅招牌燦爛笑容兩人望落勁登對，成為一時熱話。之後仲出現《我諗每個男人心裏面都有一個黃翠如》嘅潮文，喺大家眼中真係經典一對！

Photo from guruhung ＠ ig

洪永城講過：「同呢位女子原來已經相識10年，有啲嘢會變，有啲嘢永遠都唔會變，冇變嘅係我哋難得嘅工作默契同友誼，呢一種關係好值得珍惜。」大概這就是「紅顏知己」了～

Photo from guruhung ＠ ig

＃4 鄭嘉穎、周麗淇

講開周麗淇情史，大家最記得一定係跟是鄭嘉穎拍拖3年。因為拍《天幕下的戀人》撻着，更以情侶檔搵錢。雖然有傳當年係因為鄭嘉穎舊愛余詩曼介入而令Niki忍痛分手，如今都鄭嘉穎都已經跟陳凱琳結婚，確實係「桃花依舊、人面全非」了～

Photo from from TVB

＃6 林峯、鍾嘉欣

一套台慶劇《溏心風暴》，令林峯、鍾嘉欣成為家家戶戶都希望佢哋喺埋一齊嘅螢幕情侶。傳足4年緋聞，但二人一直堅稱對方只係好友。如今嘉欣三年抱兩，而林峯就跟內地女模張馨月打得火熱，有傳吳千語跟富三代拍拖，但未獲肯定女友地位，於是喺微博大講金句，其中一句「我錯過你了，你也錯過最好的我了」，令人質疑係咪想跟林峯復合。