麵包與愛情並非勢不兩立～「高富帥」只是一場幻想，女生談婚論嫁前會考慮的3大條件，細水長流比名成利就來得更溫柔！

By Michelle on 13 Nov 2018

Digital Editor

即使近幾年先興起「港女」一詞，「有樓有高潮」、「ptgf」（兼職女朋友）更加劇社會對拜金女嘅憎恨，覺得佢哋不學無術但就要求另一半有車有樓先係好嘅拍拖對象。老實講，「愛情重要，定係麵包重要」一直係每個年代嘅女生都會面對嘅考慮，早已唔係新鮮熱話。其實，小編就覺得愛情同麵包，從來就唔係勢不兩立嘅仇敵，根本唔需要痛苦地「二選一」。「麵包」理應係自己擁有嘅經濟能力、餓唔死嘅能力，你嘅求生意志何來會掌握喺男人身上？

Photo from gwgurlie86 @ ig

事實上，女生身邊那來咁多「高富帥」？更吸引女生注意嘅，往往都係呢個男人有無以下條件！能夠幸幸福福愛一場，歡笑比眼淚多，走著走著，話唔定就成為對方嘅靈魂伴侶了。

＃1 沒有出賣、背叛

出賣同背叛嘅感覺，當你經歷過第一次後，相信無人會願意承受第二次。每一次男生說了謊言，女生都需要用更大嘅勇氣重新接受，眼前你相信嘅人有能力愛你，同樣有能力傷害你，人總是有底線，無人能夠忍受一次又一次嘅不忠與出賣。可惜嘅係，愛情中出現傷害，往往都成為大部分人嘅寫照......如果男生能夠令女生擁有一段不被背叛嘅感情，呢段關係已經勝於一切嘅甜言蜜語了。

Photo from from Pinterest