這對氣質養眼閨蜜互相吸引，一眼定情原因竟然不是靠顏值～陳法拉與劉詩詩知己知彼的友誼！

雖說娛樂圈係個花花世界，大家都係利字行頭，事實上，娛樂圈仍然係成就唔少難能可貴嘅友情。「胡說八道會」嘅閨密姐妹情你可能聽得多，你又有無諗過陳法拉同劉詩詩竟然係感情要好嘅閨密呢？！雖然二人同框同場拍攝少之又少，而且分隔異地唔可以成日見面，仍然擁有甜到爆嘅閨密，實在難得！

Photo from from Weibo

一眼定情

兩位花旦嘅友誼其實係源於2012年，當時法拉到內地拍攝古裝劇《風中奇緣》。法拉本來只係打算到片場熟悉一下環境，無諗過會遇上劉詩詩正在拍戲，而咁啱劉詩詩正係拍秦湘（陳法拉飾）跟莘月（劉詩詩飾）敵視對方嘅一幕，只不過係一場無對白，只需要交眼神嘅戲。

Photo from from Sina

由於?個鏡頭係影唔到法拉，所以就無安排法拉上場。但敬業樂業嘅法拉當時雖然唔係拍緊戲，但就企喺劉詩詩對面，做足眼神表情畀劉詩詩，令對方更入戲。其後，劉詩詩都禮尚往來，即使未輪到自己埋位，但喺法拉嘅戲份入面，佢都一樣會企喺法拉對面令對方更入戲。

Photo from from Weibo

自始之後，兩個都人惺惺相惜，一眼定情！陳法拉都笑言，兩個人第一次見面就好有默契，好似係相識好耐嘅老朋友一樣，果然感情事都係要似乎緣份，要成為一對長長久久嘅閨蜜，除咗係歲月嘅考驗，都係緣份嘅注定啊～

Photo from from Sina

陳法拉早前喺美國修讀演藝課程，忙於學業，跟好姐妹相處時間變得更少。劉詩詩2016年跟吳奇隆結婚，陳法拉都因為請不到假，無辦法做伴娘，但就甜蜜喺微博留言送上祝福，並承諾將來要做詩詩寶寶嘅契媽～

Photo from from Weibo

法拉今年生日，劉詩詩都送上生日蛋糕替好姐妹慶生。從法拉流露笑容就知兩個人相處有幾幸福～

Photo from from Weibo

毅然離開大台嘅陳法拉花咗4年時間去進修戲劇，以一級榮譽畢業嘅陳法拉進軍荷里活，簽約美國經理人公司，未來仲要做奧斯卡影后嘅師妹，實屬港人之驕～

Photo from from Weibo

而劉詩詩憑《步步驚心》事業飄紅，有指佢係戲組入面最勤力嘅一員，幾乎集集都有佢出鏡，於是劉詩詩都係最早起身最遲收工?個，兩位美女都係敬業樂業之人，難怪特別投契～

Photo from from Sina

有說女人天生妒忌心就是重，但兩位女神間嘅友誼，似乎更似知己知彼啊～人生路上有好多過客，願意一直陪伴你成長嘅人少之又少，呢一對顏值甚高嘅組合，走在一起更令人羨慕～

Text：Girlslike Editorial

Photo source：Sina, Weibo