一洗清純仙氣形象,頭髮鏟青練肌肉做女殺手~拍劇打斷手指筋龔嘉欣:綁上繃帶膠布我一樣可以打!

一洗清純仙氣形象,頭髮鏟青練肌肉做女殺手~拍劇打斷手指筋龔嘉欣:綁上繃帶膠布我一樣可以打!

Hot Topics
By Michelle on 13 Nov 2018
Digital Editor

最近大改清純型象嘅龔嘉欣,為咗拍攝TVB新劇《殺手》,一改仙氣女神look,大改造成為一個「辣妹」,唔單止妝容要更重手,頭髮仲要「鏟青」兼染紅毛!拎住把刀仔做女殺手大殺四方~龔嘉欣喺劇中有唔少打鬥場面,搞到成身都瘀哂又周身傷,但小妮子仍然遇強愈強!

Photo from kungkaty @ Ig

今日龔嘉欣喺網上分享了幾張去旅行影嘅照片,紫紅色短髮多咗幾分英氣,但身穿白色一件頭大露背泳衣,感覺又即刻變番清純look。暫時唔需要拍劇嘅嘉欣,襯著假期放鬆自己,享受陽光與海灘。更留言「夏天感覺仍在 靜下來幾天 心情也放鬆了,多忙也好,為自己找個空間,重新整理一下,面對接下來的挑戰 繼續為我加油吧 !」工作疲累過後,為自己充充電真係好重要呢~

Photo from kungkaty @ Ig

Photo from kungkaty @ Ig

嘉欣仲好識嘆去咗做spa~

Photo from kungkaty @ Ig

龔嘉欣出道以來發展平平,2016喺《幕後玩家》中憑程思汝一角,飾演賢妻良母,得知老公出軌哭到撕心裂肺嘅演技獲得觀眾一致讚好,更加在「萬千星輝頒獎典禮」奪得「最佳女配角」,演技得到認同!

Photo from kungkaty @ Ig

Photo from kungkaty @ Ig

嘉欣一向畀人小鳥依人嘅感覺,今次為新劇《殺手》大改形象,認真敬業,勇氣可嘉!

 

在 Instagram 查看這則貼文

 

龔嘉欣 Official(@kungkaty)分享的貼文 張貼

廣告
廣告

今次係嘉欣第一次做「打女」,難免會打到手損腳損,嘉欣係ig上留言「一個動作我可能要做好多次先至達到要求,動作我真係唔叻,但係我會盡力,辛苦每一個配合嘅對手,陪我做足咁多次。」作為零的突破,嘉欣真係打到有板有眼~

Photo from kungkaty @ ig

嘉欣仲因為太落力,打到手指斷咗筋,笑言明白咩係「十指痛歸心」,手指都變埋形都堅持打落去,小妮子即使仍有好大嘅進步空間,但上進心同鬥志真係拎足100分。

Photo from kungkaty @ Ig

「一個月了,手還是依舊痛,大半夜一定會醒來 ,一不小心碰到傷口會有刺骨的痛。手指是變形了 ,關節也仍是很腫......可能這次是考驗吧~但我不會被難到 !我是任性的, 我擔心的只會是出來的表現,其他的不管了,我熱誠從未減退 ! 綁上繃帶膠布我一樣可以打! 」嘉欣有好堅強嘅意志啊~

Photo from kungkaty @ Ig

嘉欣更積極做運動,務求造型更入形入格!一向以纖瘦身型見稱嘅嘉欣仲可以喺短時間內練得一身好肌肉,果然係世上無難事只怕有心人~

Photo from kungkaty @ Ig

Photo from kungkaty @ Ig

期待嘉欣會有突破性嘅演出,喺將來嘅台慶中再下一城!

Text:Girlslike Editorial

Photo source:instagram

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK