合久必分？洪卓立、湯怡11年戀情終寫上句號，湯怡：我們的青春，彼此住了大家。
10年，人生有幾多個10年？跟成長伴侶交往11個年頭，洪卓立跟湯怡正要踏入第12個年頭之際，日前各自喺社交平台上，宣布二人正式分手。繼鄧麗欣同方力申10年童話故事破滅後，再有一對娛樂圈愛情童話故事寫上句號。難道，愛情世界上真係無童話故事？還是合久不「婚」就會合久必「分」？
Photo from hungcl @ ig
洪卓立、湯怡各自喺自己嘅instagram上，上載一張二人去英國旅行時嘅背影合照，宣布二人正式分手，日後會變成「知心好友」。
Photo from hungcl @ ig
Photo from yuenkaka @ ig
洪卓立同湯怡都係英皇旗下藝人，洪卓立入行無幾耐就跟湯怡撻著，發展地下情足足有7年～後來因為女朋友被被抨擊，洪卓立勇敢企出嚟公開戀情～洪卓立曾經護花公開批評話湯怡嘅人「出面個個話佢（湯怡）貪錢嫌我窮、執包袱走人，我頂唔順一個二個覺得比我更了解佢至會出聲。」
Photo from hungcl @ ig
兩個人由仍然係一臉青澀嘅20歲後生仔，一齊走過10個年頭，男嘅雖然仍然係「青靚白淨」，但早已一洗往日一臉稚氣嘅模樣；而女方一向都係有著童顏面孔嘅貼地女神，早前更跟只有19歲嘅原島大地喺電影《某日某月》中飾演情侶，雖然係相差10年嘅姐弟戀，但劇中完全無違和感，可見湯怡保養得甚好。
一起走過11年，洪卓立接受訪問時曾經話跟湯怡好合拍，「經過了十年，經常有人問我喜歡Kathy什麼，回想起十年前剛進公司，我就發現跟她是同一類人，第一個感覺就是都不愛說話。慢慢發現大家很多事情、價值觀都很相似。」洪卓立更謂識到湯怡係福氣，因為「一早可以遇到呢個人。」可惜呢一番甜蜜說話，都唔足以令二人認定對方為終身愛侶。
Photo from hungcl @ ig
回顧呢對小戀人多年來嘅點滴，其實都係難能可貴嘅一段情—即使拍拖時間耐咗，但仍睇得出二人不唔單止有默契，而且有用心維繫。洪卓立不時喺ig上放二人合照，又唔怕放閃公開一張又一張「男朋友視覺」嘅相，努力逗愛人歡喜。
Photo from hungcl @ ig
Photo from hungcl @ ig
另一邊廂，洪卓立試過因肺積水復發，一度危殆，插喉卧病在床一度要停工嘅時候，湯怡仍然不離不棄。由相遇相知，彼此交換溫柔11年，無奈都係敵唔過歲月。
Photo from hungcl @ ig
湯怡前年10月生日，洪卓立就帶佢到英國慶生。
Photo from hungcl @ ig
Photo from hungcl @ ig
而去年情人節二人同遊北海道，拍下嘅一點一滴仲剪記錄成遊記上載至youtube ，洪卓立喺第10年嘅情人節，就向湯怡送上呢份特別嘅禮物，甜蜜咁話「送她和自己一份小小的禮物，我記性不好，就讓這個頻道紀錄我們以後的一點一滴。」但頻道都已經有超過1年無更新，從前嘅一點一滴如今都已經回不去從前嘅回憶了～
Photo from hungcl @ ig
Photo from from Youtube
其實早喺今年7月，已經傳出兩個人有分手跡象。湯怡出席活動時，記者問到佢跟洪卓立嘅事，湯怡一反常態話「唔講佢。」而洪卓立上個月開騷，演唱一曲《回到最愛的那天》時亦突然喊，台下嘅湯怡亦有流眼淚，但就無公開感謝湯怡。
Photo from yuenkaka @ ig
人與人之間嘅緣分，始終係聚有時，散有時。或者，曾經喺埋一齊嘅日子，彼此都分享過快樂同眼淚，我哋就要感恩每段感情中慶幸雖然要離別，但仍然得到無價嘅領悟，感激遇上過他和她吧～
Photo from yuenkaka @ ig
Text：Girlslike Editorial
Photo source： Instagram
