《溏心風暴》中是全能爸爸，戲外是孩子們不完美但偉大的爸爸～跟家人分隔兩地30多年，夏雨：人生當然有遺憾，你得到一些當然會失去一些。
老戲骨就係「會說故事的人」，夏雨喺2008年以《溏心風暴之家好月圓》中，飾演一家之主甘泰祖（Jo鮑），贏得「最佳男主角獎」。現實中，75歲嘅夏雨甚至比劇中嘅父親一角做得更到位、更像一個全能爸爸嘅好父親～
Photo from from Sina
第一季《溏心風暴》係以海味店為背景嘅利益牽扯爭產風暴，夏雨正係飾演一個為調和家庭關係疲於奔命嘅「鮑鮑」唐仁佳。
Photo from from Tvb
第二季《溏心風暴之家好月圓》則係原班人馬繼續延續《溏心風暴》嘅爭產精神，故事入面嘅風味都由鮑魚改成月餅，夏雨則係飾演一個優柔寡斷，無主見，對子女好關心，但又唔識得管教，只係會擺出一本正經父親模樣嘅「Jo飽」甘泰祖。
Photo from from Tvb
第三季就係去年嘅《溏心風暴3》中，飾演為人大方、深受大家愛戴，一副慈祥老豆樣嘅「奶茶大王」—「正爸」黃永正。
Photo from form TVB
每個系列都成為港人一時佳話，特別係第一、二集，溏心風暴當年成為家家戶戶茶餘飯後嘅話題，雖然上年嘅《溏心風暴3》有人認為係後勁不繼，但夏雨嘅戲味仍然係交足貨，呢個老戲骨形容係骨灰級數都不為過！
Photo from from Tvb
老戲骨要做「好爸爸」角色，談何容易，但現實生活入面，夏雨就曾經講過，自己深感慚愧，覺得自己唔係一個稱職嘅好爸爸。
Photo from from Sina
故事要番去夏雨後生嘅時候～夏雨細個時住喺廣州，所謂人窮志不窮，因為喺電視上見到張瑛、吳楚帆演出，令佢立志要到香港做演員。年紀輕輕只得16歲，佢就由陸路爬山偷渡嚟香港，夏雨笑言「一啲都唔辛苦，帶住個背包，入面2幾塊餅，三個後生仔就過咗嚟。」年紀輕輕嘅佢，已經有一團不滅嘅拼勁，呢股力量一直成為佢人生嘅支柱。
Photo from from Sina
嚟到香港全力為事業衝刺，喺42歲?陣，結識到現任太太馬慧玲，婚後生咗兩子一女，一家五口就由太太相夫教子，做個背後嘅女人，先生就在外面繼續拼搏。直到1994年，夏雨舉家移居加拿大，其後自己就一支公回流香港繼續幕前演出、賺錢養家。
Photo from dixonwrong ＠ ig
夏雨吩咐太太馬慧玲喺加拿大照顧三個仔女。加拿大跟香港時差10幾小時，一家人經歷長期分隔兩地嘅生活，沒有想念家人就是騙你的～但兩公婆唔單止係夫妻一條心，而且更係對方嘅靈魂伴侶，夏雨享受拍戲，太太喜歡生活節奏慢，大家都成全大家嘅理想，雖然而家仔女都長大成人，有自立能力唔需要爸爸擔心。但作為一家之主嘅夏雨，喺孩子們仲細嘅時候，就付出自己嘅一切，在外打拼養起一家人。
Photo from from Sina
夏雨曾經講過「老婆令我無後顧之憂，令我安心喺外面工作，我可以畀佢哋最好的。」觀念雖然傳統，但情義卻唔老土，兩公婆各司其職，或者呢種就係上一代維繫家庭嘅不二之法。
Photo from from Sina
話雖如此，多年來為養家長期兩邊走，跟屋企人相處時間少之又少，或者就係天下間所有父母要面對嘅矛盾，雖然係一個兩難抉擇，但為生活為糊口，夏雨不得不努力工作，所以錯過了子女嘅成長，無辦法全情投入陪伴仔女長大成人。
Photo from from Sina
夏雨曾經講過「因為喺佢哋細個?陣，我唔可以陪伴喺佢哋身邊，伴隨佢哋成長，所以而家佢地就算有心事，有難題，都唔會跟我溝通交流。雖然佢哋知道我好錫佢哋，但就始終係將心事收埋來唔跟我講。」
Photo from dixonwrong @ ig
囝囝就喺個人社交平台上上載佢跟爸爸合照，留言話「你缺點無數，但就係一個最完美既爸爸。上次工作時發現，原來我地冇咩合照。今次依個工作對我黎講其實意義好深刻。希望可以keep住佢，等到10年20年後我地一齊拎返出黎睇。 Happy Father's Day daddy!（父親節快樂）」可見喺囝囝心目中，夏雨仍然係超人爸爸！
Photo from dixonwrong ＠ ig
Photo from dixonwrong @ ig
多年來為養家，疲於在香港、加拿大兩邊走，導致和家人相處的時間少之又少，更無法長時間陪在子女身邊看他們成長，夏雨坦言：「人生當然有些遺憾，不可以全世界最好的都給了你，你得到一些當然會失去一些，你要賺錢就陪不到家人......」大概現實生活都係令人既無奈又沉重。但人無完人，為人父親都唔可以無時無刻做孩子們嘅英雄，正正係因為人有限制，更睇得出夏雨如何喺工作上突破自己嘅同時，又擔起湊起成頭家嘅責任，係不完美中做出最偉大嘅爸爸角色。
Text：Girlslike Editorial
Photo source：instagram，sina
