人生必看一次的美景！土耳其網紅酒店Sultan Cave Suites，無死角景觀，隨便拍都可拍出超唯美照片～

近幾年好多人都會去土耳其旅行，更成為網紅必去嘅打卡點，成日喺IG上面見到佢地啲靚相，真係搞到人都心思思想去影番張呀！今天小編就同大家介紹其中一個網紅拍攝地 - 土耳其Sultan Cave Suite 啦！下次去土耳其不妨都嚟呢間酒店影張靚相，打個卡啦～

Photo from Pinterest

號稱土耳其第一網紅酒店嘅Sultan Cave Suite位於核心小鎮格雷梅，雖然唔係啲咩金碧輝煌嘅酒店，不過就有住世界最美露台美景，因為位於山頂，全景露天平台視野極佳，令你可以遠眺漫天飛舞嘅熱氣球同埋迷人嘅格雷梅景緻。

Photo from Pinterest

喺日出時分一邊品嚐住豐盛早餐，一邊欣賞住熱氣球滿天飛舞嘅異國美景，如此極其夢幻的體驗，無數熱氣球喺眼前緩緩升起，可以飽覽如此壯麗嘅景色，絕對係一生中一定要試一次～

Photo from Pinterest

酒店露台日出日落嘅無死角美景，包保你可以影到好似網紅IG入面嘅靚相，色彩飽和度極高嘅夢幻景色，真係隨便影都可以好靚！

Photo from Pinterest

正因為咁呢到都成為熱門嘅婚照拍攝場地～如果想要影一張令人驚艷嘅熱氣球相，大家一定喺日出之前起身先可以拍到熱氣球嘅美景，而且前一晚記得要確認第二日嘅熱氣球觀光唔會取消！

Photo from Pinterest

想影到好似網紅相一樣靚，記得換上飄逸嘅長裙或者禮服，不過要留意土耳其早晚溫差有啲大，女仔記得要著好外套，等到影相嘅時候先除，咁就唔好凍親啦～

Photo from Pinterest

建議選擇白色、裸色系或者紅色嘅衫就可以影出更好嘅效果，追求完美嘅女仔可以著裙擺較大嘅長裙，鋪喺地上非常好睇，或者選擇露肩、露背嘅裙，都一樣可以影得好唯美！

Photo from Pinterest

呢間酒店好受遊客歡迎，想入住嘅女仔記得要早三四個月預訂～雖然係熱門住宿，不過價格方面出乎意料地無好貴，淡季住兩晚價格都唔洗港幣二千蚊～快啲約埋閨蜜一齊來一場夢幻土耳其之旅啦！

Photo from Pinterest

Text：Girlslike Editorial
Photo Source：Pinterest