除陳展鵬單文柔外，他們都是有了才結婚，5對奉子成婚的明星夫妻～！

陳展鵬同單文柔拍拖唔夠兩年就奉子成婚，佢地九月宣布結婚，十月成婚，十一月宣布有喜，剛剛好三個月可以公佈懷孕消息，不過兩人眼內都係滿滿的愛意，相信將來一定都咁幸福！其實除咗陳展鵬同單文柔外，以下呢4對明星夫婦當年都係奉子成婚，而且到現在都一樣好幸福㗎！

兩人婚後一個月便於IG公佈「Baby is coming」的懷孕消息～

陳豪、陳茵媺

陳豪同陳茵媺2013年6月喺法國巴黎舉行婚禮，同年5月有傳女方因懷孕而辭演《寒山潛龍》，12月囝囝陳梓燁出世，之後又再生多一子一女，四年抱三之餘更保持甜蜜，係奉子成婚嘅最佳示範～！

兩小口結婚4年一直「男主外、女主內」，陳豪頻接工作搵奶粉錢，陳茵媺則淡出娛樂圈專心照顧小朋友，兩人合作無間～！

鍾嘉欣、Jeremy

鍾嘉欣透過家姐認識大佢13年嘅加拿大脊醫Jeremy，2015年12月秘密下嫁，2016年2月喺加拿大補擺婚宴，同年8月誕下囡囡梁愛晨，數下手指的確係奉子成婚！

婚後鍾嘉欣長居加拿大做全職媽媽，今年9月再誕下囝囝，喺老公嘅愛護下嘉欣越嚟越靚，超幸福！

張繼聰、謝安琪

2006年謝安琪宣佈與張繼聰奉子成婚，同年誕下兒子張瞻，兩人婚後男方曾經歷事業低潮期，兩小口一起患上抑鬱症，好彩兩人互相扶持捱過難關！.

兩人已成模範夫妻，謝安琪更於2017年誕下愛女張靖，張繼聰秒變寵女狂魔，一家四口超幸福！

黃貫中、朱茵

同為基督徒嘅黃貫中同朱茵，2012年4月女方突然於微博上傳全裸孕照，宣佈懷孕引起嘩然，兩人於同年8月結婚，育有愛女黃鶯，6年過去依舊甜蜜！

Text：Girlslike Editorial

Photo source：Pinterest, Instagram, Weibo