婚後越來越靚全因老公體貼入微！每日必接送返工、御用攝影師，岑麗香老公強強寵妻5招！

女人婚後會變?，最簡單直接嘅解釋，就係因為幸福。嫁岩咗人，生活快樂，自然容光煥發。岑麗香和老公強強Jousha結婚後，經常喺受訪時都會大讚老公，又會分享佢哋嘅甜蜜點滴，皆因老公強強對香香有著無微不至嘅照顧和付出，難怪香香搵到屬於佢嘅幸福之後，就變得愈嚟愈?啦～所以話一個女人婚後嘅容貌，男人係有好大嘅責任！一齊嚟學吓強強用邊5招收服香香公主啦～

Photo from IG_heungheungeliza

1.御用攝影師

喺香香嘅ig，雖然唔係有好多和老公強強嘅合照，大部分都是個人照，但原來依啲「女神照」背後勞苦功高嘅正係老公強強！老婆鐘意Post相，就由強強以老公嘅視角影出香香最美一刻。

Photo from IG_heungheungeliza

強強鏡頭下嘅香香，係唔係特別?？香香而加比起出道時纖瘦咗唔少，身形均稱，加上女神級靚樣，要影出?相對於強強嚟講可以話係無難度。

Photo from IG_heungheungeliza

其實喺香香仲未成為「強嫂」之前，強強已經開始默默咁做香香嘅攝影師，其實只要細心留意依張照片，你就會睇到強強正係影相之人。

Photo from IG_heungheungeliza

2.做你的知己

「我覺得最幸福的是他是我的好朋友。」香香經常對傳媒表示強強係佢嘅best freind，原來「處女黨」好友們都唔及強強咁交心。香香仲透露兩人嘅價值觀好相似，即使和對方無聊對話，都會覺得好開心。強強除咗係香香嘅愛人，亦係知己，如此緊密嘅關係，令其他男士無機會介入佢哋嘅婚姻。

Photo from IG_heungheungeliza

3.管接送

老婆香香身材性感，又咁惹火，強強當然要做柴可夫司機管接送保護老婆。香香透露佢拍劇時，通常會拍到凌晨2、3時，然後第二日6、7時又要開工，不論時間有幾早，強強都係會準時接送。

Photo from IG_heungheungeliza

「那麼早，我都覺得很偉大，我無主動要求，但他很樂意這樣做。雖然短短30分鐘車程，但我們會很享受和珍惜。」連無要求嘅嘢強強都做到足、貼心照顧，絕對係一位「愛妻號」。

Photo from IG_heungheungeliza

4.陪香香排戲

香香笑話自己平時喺屋企會照劇本演自己嘅部分比老公聽，想知道佢嘅意見，例如語調和表情好唔好等。雖然強強唔太識中文，但都會陪老婆排戲，可見佢非常支持老婆發展自己嘅演藝事業。

Photo from IG_heungheungeliza

5.移民香港

香香想留喺香港發展，而喺加拿大事業有成嘅強強決定婚後陪老婆喺香港生活，重新喺依邊搵工作。之前香香喺蜜月後，就馬上接咗兩套劇集緊接拍攝，忙到連休息嘅時間都唔夠，而強強就乖乖地喺屋企練習中文。「他找了一些寫中文的格仔簿，自己在家中每天學10個字。」香香仲讚老公係為咗佢努力適應中文，希望可以盡快融入香港。

Photo from IG_heungheungeliza

其實當時強強和香香拍拖一年幾就結婚，兩人結婚後又誕下囝囝 Jacob，恩愛指數依然有增無減！望住香香婚後個樣越來越靚，就知道平時強強有幾愛錫佢！

Photo from IG_heungheungeliza

Photo from IG_heungheungeliza

Text：TopBeauty Editorial