星馬雙料視后出爐！參選港姐5強止步，黃智雯入行12年由低做起，由臨記至平凡女配角，今天終於攀至封后！
《萬千星輝賀台慶》中，女星們於衣著、妝容上大鬥法固然好睇，但令人最感動莫過於入行12年嘅黃智雯（Mandy），撼贏好姊妹胡定欣同大熱人馬李佳芯成為雙料視后—獲得《TVB馬來西亞星光薈萃頒獎典禮》同《星和無線電視大獎》視后寶座！雄心壯志嘅Mandy係第一次封后，可以做到形象百變，戲路廣闊嘅佢，其實入行12年嚟都經歷跌跌碰碰，先捱出今日驕人成績。
Photo from from Weibo
娛樂圈呢一行，邊個唔係捱大？無論係實力、名氣、比黃智雯好n倍嘅女演員多的是，外貌比佢出眾、演技比佢精湛嘅，仍然大有人在。你可能會記得「胡說八道會」成員有胡定欣、胡杏兒、姚子羚，或者係花邊新聞唔多、論身材外貌上嘅討論度都唔及「胡說八道會」其他成員，你會遺忘了一直喺演藝事業上默默耕耘嘅黃智雯。
Photo from wong_manman ＠ it
黃智雯2007年參加香港小姐，3甲不入，同屆港姐冠軍張嘉兒一早收山，退下娛樂圈戰圈並已為人母、當年拎第2名嘅王君馨仍然留守tvb，不時有一啲形象突出嘅角色令觀眾對佢留下好印象，而且近年主打索爆形象， 《城寨英雄》中做打女花曼一角，減至20.5吋腰，加上打女形象做得入形入格，風頭一時無兩，兩年前下嫁圈外男友，事業愛情可謂兩得意。
Photo from misskayicheung ＠ ig
Photo from from TVB
唯獨黃智雯，感情事一直低調處理，事業上雖然未能有「大躍進」，但就默默安份守己，直至今年《三個女人一個「因」》中，憑有「三重人格障礙症」嘅角色贏盡口碑。
Photo from from TVB
Photo from from TVB
Photo from from TVB
黃智雯喺《三個女人一個因》劇中演技十分出色，因為一人要「分身」，分別演3個分裂嘅人格—專業強勢大律師，狂野豪放女，細膽善良宅女，唔少網民都因為《三個女人一個因》對黃智雯嘅演技印象深刻，黃智雯今次可謂突破咗從前平凡嘅自己。
Photo from from TVB
Photo from from TVB
Photo from from TVB
對於今次有目共睹嘅成績，令人眼前一亮，黃智雯緊記當年前輩對佢嘅教誨。琴晚雯獲《TVB馬來西亞星光薈萃頒獎典禮》視后時，第一個就多謝汪明荃，感動話：「第一套拍劇就是同Lisa姐合作的《東山飄雨西關晴》，知道自己當初演技唔好，阿姐都話：『咁做戲嘅？』，之後獲阿姐肯定及支持好開心，好開心由佢手上領獎。」同時又多謝一直跟自己良性競爭嘅「胡說八道會」好姊妹。
Photo from wty.nancy ＠ ig
對藝人嚟講，喺娛樂圈可謂天外有天、人外有人，競爭大，好多時努力付出都無人可以保證你一定有所收獲。而且捱更抵夜嘅日子接住嚟，唔單止一日要拍幾場戲，好多時一個檔期接一個檔期，想生活過得輕鬆、生活作息平衡？絕對唔會喺藝人嘅願望，因為生活輕鬆其實就意味住你「撈唔掂」。對於一個默默付出12年嘅演員嚟講，總會希望自己能夠發光發熱，能夠得到其他人賞識。
Photo from from Weibo
黃智雯再下一城奪得《星和無綫電視大獎》，成為雙料視后，外人好難想像，呢位小妮子憑自己力一步一步走出一路光明大道，呢份喜悅係有幾深刻。由從來都唔係首屈一指嘅大熱之選，到今日名正言順「成后」；由只能做女配角，到今日可以擔正做第一女主角，黃智雯都感慨道：「努力未必一定有回報，但只要肯努力一定有人睇到。」正正係呢份「一直努力，不求回報」嘅精神，令大家睇到佢嘅進步，雙料視后可謂實至名歸！
Photo from sq_sukching ＠ ig
Photo from from Weibo
一直都話新加坡、馬來西亞兩地嘅結果係TVB《萬千星輝頒獎典禮》嘅前哨戰同預測，而且能夠拎到兩地雙料名銜絕對唔係易事，歷年只有陳展鵬、胡定欣、陳豪同佘詩曼試過。今次黃智雯跟老友袁偉豪齊齊做雙料視帝、視后，未知下個月香港視帝、視后有無機會再下一城成為三料視帝視后呢？嚟緊Mandy仲有未上映嘅劇擔正做女一，大家就拭目以待喇！
Text: Girlslike Editorial
Photo Source: Weibo, Instagram
