不愛靚仔愛智慧型男生！「高智商控」女生反對外貌協會，不會一見鍾情，靈魂氣質比外表更重要！

不論男女，走「外貌協會」嘅人多得是，始終外表都係畀人哋感覺嘅第一印象。雖然社會係吹捧俊男美女，擁有先天外貌優勢嘅人可以成為潮流同主流，而且係「你的樣子如何，你的命運也必如何」嘅價值觀下，有出眾外表定必比外表平庸吃香，如果你自問認為外表唔係你第一考慮條件，即使面前有個生到成個彭于晏咁嘅男仔你都可以目不斜視，或者你就係個高智商控！如果你都覺得自己係高智商控一員，快看看以下特質有沒有中吧！

1. 顏值唔係你第一考量！

對你而言，選擇對象時，你更著重對方思考邏輯、有無底蘊，你認為內涵遠比於外貌重要。假如對方有一吸引人的外表，但思想唔成熟、一啲墨水都無，對你嚟講絕對談唔上吸引。相反，如果一個雖然沒有亮麗外表，但係擁有知性靈魂、談吐得體，感覺能上通天文下通地理嘅男生，就可以深深把你吸引。

Photo from Pinterest

2. 你唔會睇得起書呆子

考試叻唔代表聰明，只係流於表面，唔識分析問題嘅背誦高手難以打動你嘅芳心，亦唔係你心中嘅理想交往對象。

Photo from Pinterest

3. 一見鐘情？no！

有一種女生好容易就會對人一見鍾情，有可能係「外貌協會」主席，都有可能係佢好容易會發掘到人哋嘅優點。如果你發現自己好難對異性一見鍾情，又或者交朋友都特別慢熱，有有可能都係屬於高智商控一員！

Photo from Pinterest

因為唔會被外貌而左右自己對其他人嘅感覺，你往往需要透過長時間相處與交流，先會發掘到對方魅力之處，所以你好少會對人一見動心。

Photo from Pinterest

4. 擅長你唔熟悉嘅知識和範疇

你喜歡智慧型男生，唔單止係佢有豐富嘅墨水，成為你活生生嘅「辭海」，而係你會鍾情於佢特別他擅長一啲你唔擅長嘅事，對你嚟講，即使你對該知識完全不感興趣，但對方學識淵博都會成為引力將你深深吸引著～

Photo from Pinterest

Text：TopBeauty Editorial