錫老婆先會有好婚姻！研究：老婆開心就會有高品質婚姻，男人在婚姻中的收益比女人多。

婚姻對於每個人來說或許都有不同意義，有人期待婚姻，有人害怕婚姻，每個人都會有一個疑問「到底要怎樣才有一段美好的婚姻」？其實兩個人要一起過一輩子，相處是一門大學問，但每件事都總有關鍵，到底幸福婚姻的關鍵是什麼？有一項美國研究就指出，原來只要老婆開心，就會有高品質的婚姻，各位老公要聽清楚啦！

外國媒體《Rutgers Today》嘅報導指出，美國一項研究分析咗394對夫妻嘅資料，發現妻子對於生活嘅滿意度都比較高，而羅格斯大學嘅Deborah Carr教授就表示，當妻子對於婚姻感到滿意嘅時候，就會對另一半付出更多關懷同埋照顧，所以老公都會變得更加開心，即係指夫妻之間老婆嘅感受會直接影響雙方關係。

Photo from Pinterest

Photo from Pinterest

研究仲發現，當老公病嘅時候，妻子會唔開心，但如果係妻子病的話，丈夫嘅心情反而唔會有咩太大變化。咁係因為喺日常生活，妻子總係會擔當照顧人嘅角色，當另一半生病或者身體唔舒服，佢地自然會較憂慮同緊張。

Photo from Pinterest

相反，妻子自己感到唔舒服嘅時候，會傾向自己照顧自己或者去依賴子女，所以對丈夫來說就無咩差別。倫敦大學嘅Paul Dolan教授表示，男人喺婚姻當中嘅收益其實係比女人多。

Photo from Pinterest

男人結婚後心理會更加平靜，所以工作表現都會變好，而好多女人會為咗婚姻而犧牲自己嘅工作，有咗小朋友之後更要花好多心力去照顧同撫養小朋友，再加上日常家務，要洗碗、煮飯、洗衣服等雜事，生活絕對比結婚前辛苦同忙碌好多。研究發現，妻子嘅幸福感係會決定一段婚姻嘅品質，不過丈夫嘅幸福感就對婚姻品質影響唔大！

Photo from Pinterest

所以老婆嘅感受係一段婚姻當中非常關鍵，各位老公一定要好好疼愛自己老婆，因為老婆擔起照顧家庭嘅重任，佢嘅每個情緒同行為都一定會影響到家人，因此一個聰明嘅男人一定要記得，想要婚姻美滿，首先由錫老婆做起！

Photo from Pinterest

Photo from Pinterest

Text：TopBeauty Editorial