慶幸有妳們！和閨蜜的甜蜜經歷，明明想吃燒肉卻願陪妳吃清淡、傷心時告訴妳「別怕，有我在！」

閨蜜就是一個會陪你笑、陪你喊的傻大姐。即使看透了妳，仍然對你不離不棄的人，她知道妳的小秘密，關係有時候甚至比屋企人和男朋友更親蜜。陪伴你共度喜怒哀樂，難過時會為妳遞上紙巾，你有需要時會聆聽妳的心事，腦海有浮現出這個人嗎？生命中那麼多重要時刻，妳確定有記清楚她一直以來為妳做的事嗎？如果以下幾點你的閨蜜都做到，快快告訴她，生活真的好難過，但慶幸有妳陪著我！

Photo from sammkoling @ ig

＃1 一直鼓勵妳，相信妳可以靠自己能力完成很多「壯舉」，在妳挫折關頭時，會給予妳最大嘅鼓勵和依靠。

Photo from wongtsuiyu @ ig

＃2 一齊食多咗，要減肥了～明明見面可以一齊食餐好的，明明說好了要去食燒肉，閨蜜都總喺會願意陪你「隊沙律」、「生菜當白飯」、「飲水當飲啤酒」。當身邊同事好多時只會揶揄你「肥咗」、「皮膚差咗」，好閨蜜就會發放積極能量～不時鼓勵妳「你望落去瘦咗好多！」「皮膚好好啵！」同她們相處舒服又安心～

Photo from roxannetong @ ig

＃3 當你畀人激親，嬲到要破口大罵時，佢總係會安撫到你情緒～亦唔介意你表現出最兇殘又真實嘅一面～即使負能量爆發，佢依然愛妳，陪喺你身邊。

Photo from wongtsuiyu @ ig

＃4 閨蜜互影靚相是常識吧～好閨蜜每次都會瞓身幫你影「照騙」，教妳角度點擺先最靚，提醒妳個雙下巴飛咗出嚟......而且仲對幫妳P圖樂此不疲，每次見到妳又肥又醜又未準備好嘅表情，一定會順手幫妳p埋圖，唔會令你出醜～

Photo from sammkoling @ ig

＃5 閨蜜會充當你嘅人生導師，總喺你最有需要嘅時候，拉妳一把，唔會眼白白睇住妳你送死～感到迷失時，會成為妳嘅明燈同指南針，循循善誘導你向善，為妳指引出方向。

Photo from therivergirl @ ig

＃6 閨蜜有時候比男朋友更細心同貼心！願意為妳計劃好下一個周末的行程，承諾跟妳食均全港的好西！只要見到妳開心，佢都會好滿足～

Photo from roxannetong @ ig

＃7  隨住時間流逝，大家都開始組織家庭，都會有自己嘅夢想。但慶幸你哋有一些美好嘅共同回憶，即使人生各自走上唔同階段，閨蜜嘅笑聲仍然可以令妳暫時忘卻現實煩惱，說說笑笑談著舊時朝夕相對，發過同一個美夢的美好日子。

Text: TopBeauty Editorial