信不信由你～5大熱門旅遊勝地，相傳戀人一起去會分手收場！東京迪士尼都榜上有名～

剛剛拍拖嘅情侶，即使平日唔鬧交，但唔知點解一去旅行就點都會有小磨擦，短短幾日就見真章，而適唔適合一齊相處亦好睇?幾日朝見口晚見面嘅生活～但原來有一啲景點係「傳說中情侶去了就會分手」嘅地方，連東京迪士尼都榜上有名，至於真確性就信不信由你！

Photo from from Pinterest

#1 台灣淡水漁人碼頭情人橋

唔少去台北旅遊嘅情侶都會去淡水漁人碼頭情人橋觀光，因為漁人碼頭坐擁無敵海景加上夕陽西下嘅美景，實在令唔少旅客去過都想再去多次～但原來白色情人橋背後有個傳說：「如果情侶拖手過橋，咁啱撞正投射燈光轉綠一刻，情侶互相對望嘅話，就會分手！」

Photo from jascherielove @ ig

#2 韓國德壽宮石牆路

嚟到韓國傳統宮殿，女生都喜愛著起韓服影靚相，但原來德壽宮附近嘅貞洞大街有一條情侶一齊行過就難保唔分手嘅「德壽宮石牆路」！

Photo from j_i_n_g___z @ ig

關於「德壽宮石牆路」嘅傳說係，相傳德壽宮所居住嘅都係失寵後宮，喺呢個宮殿嘅後宮都因為得唔到寵幸而含怨逝世，因此咀咒經過石牆路嘅情侶分手～由於太出名關係，就連韓國情侶一般都唔會一齊行呢條路！

Photo from chichi_huang0330 @ ig

#3 東京迪士尼樂園

被歡樂氣氛包圍嘅樂園都會出現分手傳說？背後原因係非常有道理的！因為呢度實在有太多引起情侶吵架嘅因素啦～日本網民曾經選出10大在迪士尼樂園入面「最容易引起兩人吵架的原因」，排名第一就係「排隊時間太耐」，如果你嘅另一半耐性稍差，真係唔好「玩命」，逼佢陪你排隊，否則後果自負～（笑）

Photo from n_jerwin ＠ ig

#4 東京上野公園
作為賞櫻勝地嘅上野公園，每逢到櫻花季就會吸引海量情侶到上野公園玩～不過原來呢度都有分手禁忌，就是上野公園入面嘅「不忍池」！「不忍池」有天鵝船租借畀遊客，據說一齊坐天鵝船嘅情侶會分手，因為日本七福神之一嘅「辯才天」會因為妒忌而令情侶分手！

Photo from cockie0712 @ ig

#5 英國倫敦眼

「天荒地老流連在摩天輪～」假如你無畏高嘅話，其實同另一半坐摩天輪確係一件浪漫事～但有傳說指「一起坐摩天輪嘅戀人最終會以分手告終！」同時，如果摩天輪達到最高點時，跟戀人親吻就可以一直幸福地生活下去～即使傳說唔可以盡信，但呢個講法都已經夠浪漫了，相信唔少情侶都會願意「解魔咒」～

Photo from johnpaul.mer @ ig

Text: Girlslike Editorial

Photo Source: Instagram，Pinterest