女人40仍可以是一支花！《女人四十》田蕊妮大談女人處世之道：「到了40歲會更清楚自己」～！

大台日前播出由田蕊妮（阿田）主持嘅節目《女人四十》，主要探討同分享女人在40歲時嘅想法、困擾，第一集阿田相約43歲杜如風、43歲車婉婉、41歲谷祖琳和41歲蔣怡到蘭桂坊夜蒲，大談女人四十的處世之道～！

當晚5人落到蘭桂坊酒吧，阿田同谷祖琳都異口同聲地表示自己後生時嘅夜生活好精彩，每晚11點才會外出消遣，但隨著年紀漸大，竟開始覺得夜店：「很吵，很刺耳，更會見暈。」連杜如風亦驚覺自己成為夜店中嘅「阿姨級人馬」。

https://youtu.be/LibaL-wVBOw

雖然已經踏入中年，但「女人四十爛茶渣」呢句話一啲都唔適用於佢地身上。佢地表示當年會覺得40歲係女人結婚育兒嘅年齡，但自己到了40歲先知道生活可以好充實精彩，阿田更表示：「女人到40歲才更清楚自己！」

1.處世態度變得更從容自如

女人嘅心態好重要！車婉婉表示自己以前性格衝動火爆的性格，一發生問題就想即刻解決，「忍耐力高了，發生問題時會退後一步，觀察情況。」阿田亦表示：「現在覺得出現問題很正常，無法即時解決便留待明天，始終能解決。」

2.更勇於挑戰新事物

固有觀念都認為40歲嘅女人只能變老黃臉婆，只在家看顧孩子、煮飯、洗衫，但其實年過40除了要認真養生保養外，唔一定要按人地心中嘅形象去生活，亦可以嘗試好多唔同嘅事物！阿田最近做gym練得一身結實肌肉，更於節目中嘗試無繩滑水，亦參加Speed Dating：「戀愛無分界限，界限其實是自己給自己的。」

3.懂得拒絕說「不」

好多女仔都唔識得點拒絕人，更唔識得點樣Say no，但社會上好多人都會因此而佔你便宜！年過40更懂得要為自己好，谷祖琳說：「40歲開始懂選擇和拒絕別人，時間很寶貴，我要編排一下。」

4.40才是人生的開始

女人越老越冇價值？呢句話只係自暴自棄嘅人講！阿田和谷祖琳都說：「之前只不過是累積錯誤，開心過、贏過、輸過，現在正是建立自己性格的時候。去到40歲時便會很清楚自己，40歲最正！」只要心態正面，其實女人幾多歲又有咩所謂？

Text：Girlslike Editorial

Photo source：TVB《女人四十》, Instagram