「一路走來累積到智慧和涵養，是件美麗的事」《女人四十》10大共鳴位令人深思～

女人嘅年齡總係會成為別人討論嘅問題，有人話：「女人四十則是爛茶渣」，踏入40歲後係唔係做咩都太遲呢？最近談論度極高嘅訪談節目《女人四十》，由田蕊妮（阿田）主持，搵嚟一班好友43歲杜如風、43歲車婉婉、41歲谷祖琳、39歲卓韻芝同埋41歲蔣怡，大談40歲所面對嘅問題，有唔少網友都話無諗過咁好睇，好多地方都有共鳴！

# 1發現自己錯過了很多

節目入面田蕊妮同Miss Hunny等KOL打麻雀，當阿田被問到覺得自己年青與否嘅時候，佢話唔會話自己年青，只係多咗經歷～阿田嘅媽媽喺佢38歲正為事業拼搏嘅時候過身，阿田話30歲嘅自己想喺40歲前有一番成就，於是不斷向前衝，但忽略咗家人、朋友，而佢媽媽都不知不覺間變老。

Photo from 《女人四十》

# 2注重養生

踏入30歲會開始養生，暖水瓶、披肩、護手係女人嘅出外三寶。

Photo from 《女人四十》

# 3學習較慢

對於接收能力比較慢，阿田就用「當機」去形容自己，20歲嘅時候佢覺得自己識得嘅野好多，但宜家佢發現原來自己仲有好多唔識嘅事，所以佢嘅求學心都好強。

Photo from 《女人四十》

# 4女人四十真是老？

社會嘅觀念令女人會隨年齡增長，而自信下降。喺節目入面阿田問小朋友對佢嘅印象，小朋友話佢似27歲，阿田即刻超開心，不過年齡並唔係定義女人價值嘅標準，阿田覺得自信係由內去外，年齡都只係數字，內心夠強大年輕，一樣可以去學新野，發掘自己未知嘅另一面。

Photo from 《女人四十》

# 5從前的興趣改變 不再夜蒲

阿田同谷祖琳自稱曾經係「夜蒲Queen」，當時嘅生活夜晚11時先正式開始，但宜家再蒲會覺得好吵，好刺耳，仲會見暈，要急急腳走。後生嘅時候，捱夜打牌、夜蒲、唱K直落都無問題，但人到40歲就鐘意留喺屋企瞓下教。

Photo from 《女人四十》

# 6不再穿著背心短褲

阿田喺節目上試著熱褲，佢就話下面涼浸浸，表示宜家著咩衫要諗清楚，覺得著背心、短褲，就唔係良家婦女。

Photo from 《女人四十》

# 7聊起年青時會看場合

去到某個年齡，見到班90後、00後就會唔敢喺佢地面前講當年，因為怕會被人笑年紀大或者唔啱傾。

Photo from 《女人四十》

# 8有仔趁嫩生？

有人話：「過咗35歲懷孕嘅婦女就係高齡產婦，身體會出現大變化，懷孕機會都會下降，同時風險都變大。」但阿田為咗推翻呢個講法，就去咗婦產科照子官，醫生話佢嘅子宮子年齡如14歲，依然適合生小朋友，所以實際身體狀況先可以真實證明到適唔適合生小朋友～

Photo from 《女人四十》

# 9女人四十歲是結婚的最後Deadline？

有啲傳統觀念一直由以前到現在都影響住社會對女性嘅看法，女性喺咪要40歲前結婚？阿田覺得，的確會有人為咗趕deadline而結婚，但結婚易，要嫁得好就難。

Photo from tinyuilee@Instagram

# 10女人四十才是真正開始

阿田話：「40歲好似突然睇野清晰哂，變得從容不迫」。而車婉婉就好認同呢個講法，佢以前性格衝動火爆，當發生問題就一定要立即解決，但宜家忍耐力高咗，發生問題嘅時候會先退後一步，阿田仲補充話：「宜家覺得出現問題好正常，無辦法即時解決嘅野，就等到明天再解決，始終可以解決。」

Photo from 《女人四十》

谷祖琳就認為要放慢腳步，唔好逼得自己太緊，每日只係安排一樣野，以一件事為重點。阿田更認為40歲過後，就好似重生一樣：「一路走來累積到嘅智慧同涵養，我反而覺得件事好美麗。」

Text：Girlslike Editorial

Photo Source：《女人四十》, Instagram